തിരുവനന്തപുരം: പിണറായി വിജയന്റെ വീട്ടിലെ പരിശോധനയ്‌ക്ക് ശേഷം പുറത്തിറങ്ങിയ ഇഡി ഉദ്യോഗസ്ഥരെ ആക്രമിച്ച കേസില്‍ സിപിഎം ലോക്കല്‍ കമ്മിറ്റി സെക്രട്ടറി ഉള്‍പ്പടെ 19 പേര് പിടിയിലായി. പാളയം ലോക്കല്‍ സെക്രട്ടറി ഐപി ബിനു ഉള്‍പ്പെടെ ആറു പേര് കീഴടങ്ങിയതാണ്. ഒരാള്‍ക്ക് നോട്ടീസ് നല്‍കി വിട്ടയച്ചു. ബാക്കിയുള്ളവരുടെ അറസ്റ്റ് രേഖപ്പെടുത്തി.
ഇഡി ഉദ്യോഗസ്ഥരെ ആക്രമിച്ച സിപിഎം പ്രവര്‍ത്തകരെ ഉടനടി പിടികൂടാന്‍ അക്രമികള്‍ ഒളിച്ച പാളയം ഏരിയ കമ്മിറ്റി ഓഫീസിന് മുന്നില്‍ എത്തിയെങ്കിലും പൊലീസിനെ ഉളളില്‍ കയറാന്‍ അനുവദിക്കില്ലെന്ന നിലപാടിലായിരുന്നു നേതാക്കള്‍. അനുനയ ചര്‍ച്ചകളെ തുടര്‍ന്ന് അഞ്ച് പേരെ വിട്ടുനല്‍കുകയായിരുന്നു.
ശ്രീജിത്ത്, ജീവന്‍, മനോജ്, നിതിന്‍രാജ്, ഷാഹിന്‍ എന്നിവരെയാണ് അറസ്റ്റ് ചെയ്തത്. വട്ടിയൂര്‍ക്കാവ് സ്വദേശി അശോകന്‍, നരുവാമൂട് സ്വദേശി കിരണ്‍ എന്നിവരെയും അറസ്റ്റ് ചെയ്തു.കോട്ടയത്ത് ഒരു ലോഡ്ജില്‍ നിന്നും അമല്‍ എന്ന പ്രതിയെയും പിടികൂടി. എല്ലാവരും ഡിവൈഎഫ്‌ഐ ജില്ലാ ബ്ലോക്ക് ഭാരവാഹികളാണ്. ഉച്ചയ്‌ക്ക് ശേഷമാണ് ഏഴു പേര് പിടിയിലായത്.ഇഡി ഉദ്യോഗസ്ഥരെ വധിക്കാന്‍ ശ്രമിച്ച കേസിനു പുറമേ, പൊലിസുകാരെ ആക്രമിച്ചതിനും കേസെടുത്തിട്ടുണ്ട്.
