എന്.എം. കദംബന് നമ്പൂതിരിപ്പാടിന്റെ നവതിയോടനുബന്ധിച്ച് നടന്ന പരിപാടിയില് ഗുരുകുലം വിദ്യാനികേതന് പ്രവര്ത്തകര് ആരതി ഉഴിയുന്നു
വണ്ടൂര്: ആര്എസ്എസ് മലപ്പുറം ജില്ലാ മുന് സംഘചാലകും, ക്ഷേത്ര സംരക്ഷണ സമിതി മുന് സംസ്ഥാന അധ്യക്ഷനുമായ എന്.എം. കദംബന് നമ്പൂതിരിപ്പാടിന്റെ നവതി ആഘോഷം ആദ്ധ്യാത്മിക-സാമൂഹിക രംഗത്തെ പൗരപ്രമുഖരുടെയും, പഴയകാല അദ്ധ്യാപകരുടേയും ഒത്തുചേരലായി.
വണ്ടൂര് കെടി കണ്വെന്ഷന് സെന്ററില് നടന്ന പരിപാടിയില് നിരവധി വിശിഷ്ഠ വ്യക്തികള് പങ്കെടുത്തു. കുടുംബാംഗങ്ങള്, ശിഷ്യര്, സഹപ്രവര്ത്തകര്, സാമൂഹിക-സാംസ്കാരിക രംഗത്തെ പ്രമുഖര് എന്നിവര് പങ്കെടുത്ത ചടങ്ങില് ആര്എസ്എസ് പ്രാന്ത കാര്യവാഹ് പി.എന്. ഈശ്വരന് മുഖ്യാതിഥിയായിരുന്നു.
സാഹിത്യ അക്കാദമി അവാര്ഡ് ജേതാവും നാട്യശാസ്ത്ര നാടക സംഘം ഡയറക്ടറുമായ പ്രൊഫ. ദിലീപന്, ലഘു ഉദ്യോഗ് ഭാരതി സംഘടന കാര്യദര്ശി എന്.കെ. വിനോദ്, ഹിന്ദു ഐക്യവേദി സംസ്ഥാന സെക്രട്ടറി പി.വി. മുരളീധരന്, ശബരിമല അയ്യപ്പ സേവാസമാജം ദേശീയ സെക്രട്ടറി എം.കെ. അരവിന്ദാക്ഷന്, കാസര്ഗോഡ് തന്ത്രികുടുംബാംഗം ഐ.കെ. രാമദാസ് വാഴുന്നോര്, കേരള ക്ഷേത്ര സംരക്ഷണ സമിതി നേതാക്കളായ കൃഷ്ണ പ്രഗീഷ്, നാരായണ നായര് പത്തപിരിയം, സി.വി. സുബ്രഹ്മണ്യന് തുടങ്ങിയവര് പങ്കെടുത്തു.
സാഹിത്യകാരന് സി.എന്. വിജയന് കരിക്കാട്, തെക്കേടത്ത് നാരായണ ഭട്ടതിരിപ്പാട് എന്നിവര് മംഗളപത്രം വായിച്ചു. കദംബന് നമ്പൂതിരിപ്പാട് പ്രഥമാദ്ധ്യാപകനായിരുന്ന വിഎംസി. സ്കൂളിലെ അന്നത്തെ അദ്ധ്യാപകരും വിദ്യാര്ത്ഥികളും, ഗുരുകുലം വിദ്യാനികേതന് സ്കൂളിലെ വിദ്യാലയ സമിതി അംഗങ്ങളും അദ്ധ്യാപകരും കദംബന് മാസ്റ്ററെ ആരതി ഉഴിഞ്ഞ് ആദരിച്ചു.
