മസ്‌ക്കറ്റ് : ലഭ്യമായ, ഖനന മേഖലയിലെ ഏതാനം തൊഴിൽപദവികളിൽ 2026 ജൂൺ 1 മുതൽ പ്രൊഫഷണൽ ലൈസൻസ് നിർബന്ധമാക്കുന്നതായി ഒമാൻ തൊഴിൽ മന്ത്രാലയം അറിയിച്ചു. 2026 മെയ് 24-നാണ് ഇക്കാര്യം അറിയിച്ചത്. ഇതിൽ വീഴ്ച വരുത്തുന്നവർക്കെതിരെ പിഴ ഉൾപ്പടെയുള്ള നിയമനടപടികൾ സ്വീകരിക്കുമെന്നും വർക്ക് പെർമിറ്റ് നിയന്ത്രണങ്ങൾ ഏർപ്പെടുത്തുന്നതാണെന്നും വ്യക്തമാക്കിയിട്ടുണ്ട്.
തീരുമാനത്തിന് കീഴിലുള്ള എല്ലാ സ്ഥാപനങ്ങളും തൊഴിലാളികളും സമയപരിധിക്ക് മുൻപായി രജിസ്ട്രേഷൻ നടപടിക്രമങ്ങൾ പൂർത്തിയാക്കുകയും സാധുവായ പ്രൊഫഷണൽ ലൈസൻസുകൾ നേടുകയും ചെയ്യണമെന്ന് അറിയിച്ചിട്ടുണ്ട്. ഒമാൻ എനർജി അസോസിയേഷനുമായി ഏകോപിപ്പിച്ചാണ് ഈ തീരുമാനം നടപ്പിലാക്കുന്നത്. തൊഴിൽ വിപണിയെ നിയന്ത്രിക്കുന്നതിനും നിർണ്ണായക വ്യവസായങ്ങൾ പ്രൊഫഷണൽ നിലവാരം മെച്ചപ്പെടുത്തുന്നതിനുമുള്ള ശ്രമങ്ങളുടെ ഭാഗമായാണിത്.
ഈ തീരുമാനമനുസരിച്ച്, സാധുവായ പ്രൊഫഷണൽ ലൈസൻസ് നേടുന്നതിൽ വീഴ്ച വരുത്തുന്നത് നിർദ്ദിഷ്ട തൊഴിലുകളിലെ ജീവനക്കാരുടെ വർക്ക് പെർമിറ്റുകൾ പുതുക്കി നൽകുന്നതല്ല. ഇത്തരം തൊഴിൽ പദവികളിലേക്ക് ലൈസൻസ് അനുമതിയില്ലാതെ പുതിയ വർക്ക് പെർമിറ്റുകൾ നൽകിയിട്ടില്ല. ഇത്തരത്തിൽ രജിസ്റ്റർ ചെയ്യുന്നതിലും ലൈസൻസിംഗ് നടപടിക്രമങ്ങൾ പൂർത്തിയാക്കുന്നതിലും വീഴ്ച വരുത്തുന്നവർക്ക് ബാധകമായ തൊഴിൽ ചട്ടങ്ങൾക്കനുസൃതമായി സാമ്പത്തിക പിഴകൾ ചുമത്തുന്നതിന് കാരണമാകും മുന്നറിയിപ്പ് നൽകിയിട്ടുണ്ട്.
ഈ തീരുമാനം ഒക്കുപ്പേഷണൽ ഹെൽത്ത് ആൻഡ് സെഫ്റ്റി അഡ്വൈസർ, ക്രെയിൻ ആൻഡ് ഹെവി എക്യുപ്മെൻ്റ് ഓപ്പറേറ്റർ, ഡ്രില്ലിങ് പേഴ്സണൽ, വെൽഡർ, ഇലക്ട്രിഷ്യൻ, മെക്കാനിക്, മെയിൻ്റനൻസ് ടെക്നിഷ്യൻ, പൈപ്പ് ഫിറ്റർ, സിഎൻസി മെഷീൻ ഓപ്പറേറ്റർ തുടങ്ങി എനർജി, മൈനിംഗ് മേഖലകളിലെ നിരവധി സാങ്കേതികവും പ്രവർത്തനപരവുമായ തൊഴിൽ പദവികളിൽ ഈ ലൈസൻസിംഗ് നിർബന്ധമാകുന്നതാണ്.
