കൊൽക്കത്ത : ഈദ് പരിപാടിയിൽ സനാതന ധർമ്മത്തെ “വൃത്തികെട്ട മതം” എന്ന് വിശേഷിപ്പിച്ച മമതയ്ക്കെതിരെ കേസെടുത്ത് ബംഗാൾ പൊലീസ് . സിലിഗുരി സൈബർ പോലീസ് സ്റ്റേഷനിലാണ് എഫ്ഐആർ രജിസ്റ്റർ ചെയ്തത്. മമതയുടെ പ്രസ്താവനയുടെ ദൃശ്യങ്ങളും പുറത്ത് വന്നിട്ടുണ്ട്. ഇതിൽ ‘ ഞങ്ങൾ മനഃപൂർവ്വം ഒരു വൃത്തികെട്ട മതത്തിൽ ചേരുന്നില്ല ‘ എന്ന് മമത പറയുന്നത് വ്യക്തമായി കേൾക്കാം.
അഭിഭാഷക റിങ്കി ചാറ്റർജി സിംഗ് ആണ് മമതയ്ക്കെതിരെ പരാതി നൽകിയത്. ഈ പ്രസ്താവന ഹിന്ദു സമൂഹത്തിന്റെ മതവികാരങ്ങളെ വ്രണപ്പെടുത്തിയിട്ടുണ്ടെന്ന് പരാതിയിൽ പറയുന്നു . തൃണമൂൽ കോൺഗ്രസിലെ ചില നേതാക്കൾ മുമ്പ് ഹിന്ദു മതത്തെക്കുറിച്ച് വിവാദപരമായ പ്രസ്താവനകൾ നടത്തിയിട്ടുണ്ടെന്നും പരാതിയിൽ ആരോപിക്കുന്നു.
2025 ൽ താൻ പരാതി നൽകാൻ ശ്രമിച്ചിരുന്നുവെന്നും എന്നാൽ മമത മുഖ്യമന്ത്രിയായതിനാൽ തന്റെ പരാതികൾ അവഗണിക്കപ്പെട്ടുവെന്നും അതിന്റെ പേരിൽ പീഡനം നേരിട്ടുവെന്നും റിങ്കി ചാറ്റർജി സിംഗ് പറഞ്ഞു.
അതേസമയം, തൃണമൂൽ കോൺഗ്രസിന്റെ ഡാർജിലിംഗ് യൂണിറ്റിന്റെ ജനറൽ സെക്രട്ടറിയും അഭിഭാഷകനുമായ അത്രി ശർമ്മയും ഈ പ്രസ്താവന അനുചിതമാണെന്ന് വിശേഷിപ്പിച്ചു. ഭാരതീയ ന്യായ സംഹിത (ബിഎൻഎസ്) യുടെ വിവിധ വകുപ്പുകൾ പ്രകാരം പോലീസ് കേസെടുത്ത് അന്വേഷണം ആരംഭിച്ചു.
