ഗുരുവില്ലാതെ ഉപനിഷത്ത് പഠിക്കരുത് എന്ന് പറയുന്നത് എന്തുകൊണ്ട് ?

തിരുവനന്തപുരം: ഉപനിഷത്തുകൾ 108 ആണ്. എല്ലാ ഉപനിഷത്തുകളും അഞ്ച് വേദങ്ങളുമായി (ഋഗ്വേദം, സാമവേദം, ശുക്ല യജുർവേദം, കൃഷ്ണ യജുർവേദം, അഥർവവേദം) ബന്ധപ്പെട്ടിരിക്കുന്നു. 108 ഉപനിഷത്തുകളിൽ 10 എണ്ണം മുഖ്യ ഉപനിഷത്തുകളാണ്. 21 എണ്ണം സാമാന്യ വേദാന്തമെന്നും 23 എണ്ണം സന്ന്യാസം എന്നും ഒൻപത് എണ്ണം ശാക്തേയം എന്നും 13 എണ്ണം വൈഷ്ണവം എന്നും 14 ശൈവമെന്നും 17 എണ്ണം യോഗമെന്നും അറിയപ്പെടുന്നു.

ഒരു ഗുരുവിന്റെ സഹായമില്ലാതെ പഠിക്കാമോ എന്ന ചോദ്യത്തിന് രണ്ട് വശങ്ങളുണ്ട്. ഉപനിഷത്ത് എന്ന വാക്കിന്റെ അർത്ഥം തന്നെ “അടുത്തു ചെന്ന് ഇരിക്കുക” (ഉപ-നി-ഷദ്) അല്ലെങ്കിൽ ഗുരുവിനടുത്ത് ഭക്തിയോടെ ഇരുന്നു പഠിക്കുന്ന വിദ്യ എന്നാണ്. അതായത് ഒരു ഗുരുവിന്റെ സമീപത്തിരുന്ന് ആത്മവിദ്യ അഭ്യസിക്കുക എന്ന ശൈലിയാണ് വേദങ്ങൾ മുന്നോട്ടുവെക്കുന്നത്.

ശാസ്ത്രങ്ങളെ പുസ്തകങ്ങളിലൂടെ മാത്രം മനസ്സിലാക്കാനാവില്ല. ആത്മജ്ഞാനിയായ ഒരാളുടെ സഹായം അതിനാല്‍ ആവശ്യമാണ്. ഗുരുവും ശിഷ്യനുമായുള്ള സംവാദത്തിലൂടെ ഒരു ജ്ഞാനോദയമാണ് ഉണ്ടാവുന്നത്. അതാണ് ഉപനിഷത്ത് പഠനത്തിന്റെ കാതല്‍.