കണ്ണൂര്: ബക്കളം പൂതപ്പാറ പുന്നക്കുളങ്ങര ഭാഗത്ത് തെരുവ് നായ നിരവധി പേരെ കടിച്ചു. ഞായറാഴ്ച ഉച്ചയ്ക്ക് ഒരു മണിയോടെയാണ് സംഭവം.
സ്ത്രീകള് ഉള്പ്പെടെ പത്തോളം പേര്ക്കാണ് നായയുടെ കടിയേറ്റത്.വീട്ടുമുറ്റത്ത് നിന്നവരെയും കടിച്ചു.
പലരുടെയും കൈകള്ക്കും കാല്മുട്ടു ഭാഗത്തുമാണ് കടിയേറ്റത്.കടിയേറ്റവരെ പരിയാരത്തെ കണ്ണൂര് ഗവ. മെഡിക്കല് കോളേജ് ആശുപത്രിയില് പ്രവേശിപ്പിച്ചു.
അതിനിടെ,ജനങ്ങളെ കടിച്ച തെരുവ് നായയെ വൈകിട്ട് നാല് മണിയോടെ പുന്നക്കുളങ്ങര ഭാഗത്ത് ചത്ത നിലയില് കണ്ടെത്തി.ഇത് കൂടുതല് പരിഭ്രാന്തിക്കിടയാക്കി.
