ഗുരുവായൂര്: സീരിയൽ പ്രേക്ഷകരുടെ പ്രിയതാരങ്ങളായ ജിഷിൻ മോഹനും അമേയ നായരും വിവാഹിതരായി. രണ്ട് വർഷമായി ലിവ്-ഇൻ റിലേഷൻഷിപ്പിൽ ആയിരുന്നു ഇരുവരും. ഇപ്പോൾ ഔദ്യോഗികമായി ഒന്നാകാൻ തീരുമാനിച്ചിരിക്കുകയാണ് ദമ്പതികൾ. ഗുരുവായൂർ ശ്രീകൃഷ്ണ ക്ഷേത്ര നടയിൽ വെച്ചു നടന്ന ലളിതമായ ചടങ്ങിൽ ജിഷിൻ അമേയയുടെ കഴുത്തിൽ താലി ചാർത്തി. അടുത്ത സുഹൃത്തുക്കളും ബന്ധുക്കളും മാത്രം പങ്കെടുത്ത സ്വകാര്യചടങ്ങായിരുന്നു വിവാഹം.
ഓഫ് വൈറ്റും ഗോൾഡും കലർന്ന ഡിസൈനർ കുർത്തയും കസവുമുണ്ടും ധരിച്ച് ജിഷിൻ എത്തിയപ്പോൾ, അതേ നിറത്തിലുള്ള സിംപിൾ ലെഹങ്കയും മിനിമൽ മേക്കപ്പും ലളിതമായ ആഭരണങ്ങളുമായിരുന്നു അമേയയുടെ വേഷം.
ണ്ട് വർഷം മുൻപുള്ള ആകസ്മികമായ പരിചയപ്പെടലും തുടർന്നുള്ള സൗഹൃദവുമാണ് ഇവരെ പ്രണയത്തിലേക്ക് നയിച്ചത്. പരസ്പരം കൂടുതൽ അറിയാനും മനസ്സിലാക്കാനുമായി പിന്നീട് ഇരുവരും ഒരുമിച്ച് ജീവിക്കാൻ തീരുമാനിക്കുകയായിരുന്നു. ഇപ്പോൾ തങ്ങളുടെ ബന്ധത്തെ അടുത്ത ഘട്ടത്തിലേക്ക് കൊണ്ടുപോവുകയാണ് ജിഷിനും അമേയയും.
നടി വരദയുമായുള്ള ജിഷിന്റെ വിവാഹമോചനം നടന്നു മൂന്നു വർഷങ്ങൾക്കു ശേഷമാണ് താരത്തെ പരിചയപ്പെട്ടതെന്ന് അമേയ വെളിപ്പെടുത്തി. അമേയ കാരണമാണ് ഡിവോഴ്സ് നടന്നതെന്ന പ്രചാരണം തെറ്റാണെന്ന് ജിഷിൻ വ്യക്തമാക്കി. പ്രണയത്തിന്റെ തുടർച്ചയായി സംഭവിച്ച ലിവിങ് ടുഗെദറിനു ശേഷമാണ് ഔദ്യോഗികമായി വിവാഹിതരായതെന്ന് താലികെട്ടിനു ശേഷം ഇരുവരും തുറന്നു പറഞ്ഞു.
ജിഷിന്റെ രണ്ടാം വിവാഹമാണിത്. നടി വരദയുമായുള്ള വിവാഹമോചനത്തിന് ശേഷം ഏറെ പ്രതിസന്ധികളിലൂടെയാണ് കടന്നുപോയതെന്നും അതിൽ നിന്നും മാറ്റമുണ്ടായത് അമേയയുടെ വരവോടെ ആണെന്നും ജിഷിൻ മുൻപ് പരസ്യമായി വെളിപ്പെടുത്തിയിരുന്നു. വരദയുമായുള്ള ദാമ്പത്യത്തിൽ ജിഷിന് ഒരു മകനുണ്ട്.
