ആലപ്പുഴ :മന്ത്രി എം ലിജു ജയിച്ചത് ശരിയായ മാര്ഗത്തില് അല്ലെന്ന് സി പി എം നേതാവും മുന് എം എല് എയുമായ യു പ്രതിഭ.തിരഞ്ഞെടുപ്പ് കാലത്ത് തന്നെ വില്ലത്തിയാക്കിയെന്നും അവര് പറഞ്ഞു.
മകനുമായി ബന്ധപ്പെട്ട വിവാദങ്ങളില് ഉടന് മറുപടി നല്കും.ഒരു തിരഞ്ഞെടുപ്പില് ഒരു സ്ത്രീയെ പറയാവുന്നതിന്റെ പരമാവധി മുഖമില്ലാത്തവരും മുഖമുള്ളവരും തനിക്കെതിരെ പറഞ്ഞിട്ടുണ്ട്. അനാവശ്യങ്ങള് എല്ലാം താന് കേട്ടിട്ടുണ്ട് , അതിനൊക്കെ ഉചിതമായ സമയത്ത് മറുപടി നല്കും. തനിക്ക് വേണ്ടപ്പെട്ടവരുടെ വീട്ടില് പോയി തനിക്കെതിരെ അപവാദങ്ങള് പറഞ്ഞു പരത്തിയവരുണ്ട് – യു പ്രതിഭ ഫേസ്ബുക്ക് ലൈവില് പ്രതികരിച്ചു.
തനിക്കൊപ്പം നിന്ന എല്ലാവരോടും എന്നും കടപ്പെട്ടിരിക്കുമെന്ന് പ്രതിഭ പറഞ്ഞു.പരസ്പരം ഇനിയും സുഖദുഃഖങ്ങളില് ഉണ്ടാകും.വിജയവും പരാജയവും ഒരു നാണയത്തിന്റെ ഇരുവശങ്ങളാണ്. എന്നാല് വിജയിച്ച വ്യക്തികള് ആ നാടിന് വേണ്ടി എന്തെല്ലാം ചെയ്യുന്നു എന്നത് പ്രധാനപ്പെട്ട കാര്യമാണ്. കൂട്ടായ പരിശ്രമത്തിന്റെ ഫലമായാണ് യുഡിഎഫ് വിജയിച്ചത്. എന്നാല് ധാരാളം കള്ളപ്രചാരണങ്ങളും ഉണ്ടായി. രണ്ട് തവണ പ്രതിഭ ജയിച്ചതല്ലേ, ഇനി യുഡിഎഫിന് അവസരം നല്കണം എന്നായിരുന്നു പ്രചരണം. കായകുളത്തിന് വേണ്ടി താന് ഒരുപാട് കാര്യങ്ങള് ചെയ്തിട്ടുണ്ട്. അഴിമതിയുടെ ഒരു കറപോലും തന്റെ കൈയ്യില് ഇല്ലെന്നും യു. പ്രതിഭ പറഞ്ഞു.
