കോഴിക്കോട്:ഞായറാഴ്ച ദുല്‍ഹിജ്ജ മാസപ്പിറവി കണ്ടതായി വിവരം കിട്ടാത്ത സാഹചര്യത്തില്‍ മേയ് 19 ചൊവ്വാഴ്ച ദുല്‍ഹിജ്ജ ഒന്നും അതു പ്രകാരം ബലി പെരുന്നാള്‍ (ദുല്‍ഹിജ്ജ 10 ) മേയ് 28 വ്യാഴാഴ്ചയുമായിരിക്കുമെന്ന് അറിയിപ്പ്. സംയുക്ത മഹല്ല് ജമാഅത്ത് ഖാസി കാന്തപുരം എ.പി. അബൂബക്കര്‍ മുസ്ലിയാര്‍ ഇക്കാര്യം അറിയിച്ചു.
മേയ് 17 ന് മാസപ്പിറവി ദൃശ്യമാവാത്തതിനാല്‍ മേയ് 18 ദുല്‍ഖഅദ് 30 പൂര്‍ത്തീകരിച്ച് മേയ് 19 ദുല്‍ഹജ്ജ് ഒന്നും മേയ് 28 ബലിപെരുന്നാളും ആയിരിക്കുമെന്ന് തിരുവനന്തപുരം പാളയം ഇമാം ഡോ. വി പി സുഹൈബ് മൗലവിയും അറിയിച്ചു.ദക്ഷിണ കേരള ജംഇയ്യത്തുല്‍ ഉലമ ജനറല്‍ സെക്രട്ടറി തൊടിയൂര്‍ മുഹമ്മദ് കുഞ്ഞ് മൗലവിയും ഇക്കാര്യം അറിയിച്ചു.
അതേസമയം, സൗദി അറേബിയയില്‍ മാസപ്പിറവി കണ്ടു. ഗള്‍ഫില്‍ ഈ മാസം 27നാണ് ബലിപെരുന്നാള്‍.
