പത്തനംതിട്ട: സിപിഎം പത്തനംതിട്ട ജില്ലാ കമ്മിറ്റി യോഗത്തില് തനിക്കെതിരെ ഉയര്ന്ന വിമര്ശനങ്ങളില് പൊട്ടിത്തെറിച്ച് മുന് മന്ത്രി വീണ ജോര്ജ്. മത്സരിക്കാന് താത്പര്യമില്ലെന്ന് അറിയിച്ചെങ്കിലും ജില്ലാ നേതൃത്വം അംഗീകരിച്ചില്ലെന്ന് വീണാ ജോര്ജ് പറഞ്ഞു.
മണ്ഡലം സെക്രട്ടറി സ്വയം സ്ഥാനമൊഴിഞ്ഞത് സ്ഥാനാര്ത്ഥിക്ക് താല്പര്യമില്ലാത്തതിനാല് ഒഴിവാക്കിയതാണെന്ന തരത്തില് വാര്ത്തകള് പ്രചരിപ്പിച്ചു. വോട്ടര്മാരില് ഉള്പ്പെടെ ഇത് തെറ്റിദ്ധാരണ പരത്തി. മണ്ഡലം സെക്രട്ടറി ഓമല്ലൂര് ശങ്കരന് സ്ഥാനമൊഴിഞ്ഞതാണ് വീണാ ജോര്ജ് ചൂണ്ടിക്കാട്ടിയത്.
എല്ലാം സംസ്ഥാന നേതൃത്വത്തെ അറിയിക്കുമെന്നും വീണാ ജോര്ജ് പറഞ്ഞു.അതേസമയം ചില നേതാക്കള് വീണാ ജോര്ജിനെ തോല്പ്പിക്കാന് ശ്രമിച്ചതായി അവരോട് അടുപ്പമുളള ചില പ്രതിനിധികള് ആരോപണം ഉന്നയിച്ചു.
ആറന്മുളയില് വീണാ ജോര്ജ് പരാജയപ്പെട്ടത് അവരുടെ പെരുമാറ്റം കൊണ്ടാണെന്ന് യോഗത്തില് വിമര്ശനം ഉയര്ന്നിരുന്നു. പ്രവര്ത്തകര് വിളിച്ചാല് പോലും ഫോണ് എടുക്കില്ലെന്നും അനാവശ്യ വിവാദങ്ങളില് സ്വയം തലവച്ചുവെന്നും ഉള്പ്പെടെയുള്ള വിമര്ശനങ്ങളാണ് വീണാ ജോര്ജിനെതിരെ ഉയര്ന്നത്.
