ബെയ്ജിംഗ് :അമേരിക്കയ്ക്കും ട്രംപിനും കടിച്ചാല് പൊട്ടാത്ത കുരുവാണ് ചൈനയെന്നും ട്രംപ് താരിഫ് ഭീഷണിയുയര്ത്തി പേടിപ്പിക്കാന് ശ്രമിച്ചിട്ടുംചൈന കുലുങ്ങിയില്ലെന്നും ഇപ്പോള് ആപല്ഘട്ടത്തില് തങ്ങളെ ആശ്രയിക്കാനെത്തുന്ന ട്രംപ് ആരാണെന്ന് ചൈനയ്ക്ക് അറിയാമെന്നും നയതന്ത്രരംഗം നിരീക്ഷിക്കുന്ന വിദഗ്ധര്.
ചൈന സന്ദര്ശിച്ച ട്രംപിനെ സ്വീകരിക്കാന് ചൈനീസ് പ്രസിഡന്റ് ഷീ ജിന്പിങ്ങ് പോയില്ല. പകരം വൈസ് പ്രസിഡന്റിനെയാണ് പറഞ്ഞയച്ചത്. ചൈനയിലെ പത്രങ്ങളില് ട്രംപിന്റെ സന്ദര്ശനം മുന്പേജില് പോലും കൊടുത്തില്ല. കൊടുത്താല് തന്നെ പ്രാധാന്യമില്ലാത്ത ഒറ്റക്കോളം വാര്ത്തയായിരുന്നു.
അമേരിക്കയ്ക്കും യൂറോപ്പിനും അപൂര്വ്വ മൂലകങ്ങള് ആവശ്യത്തിന് നല്കാത്ത ചൈനീസ് നടപടിക്കെതിരെ അമേരിക്ക വന്താരിഫ് ഏര്പ്പെടുത്തിയിട്ടും ചൈന കുലുങ്ങിയില്ല. ചൈന കടിച്ചാല് പൊട്ടാത്ത കുരുവാണെന്ന് അമേരിക്കയ്ക്ക് അറിയാമെന്ന് അഫ്താബ് കമാല് പാഷ പറയുന്നു.
അമേരിക്കയിലെ സോയബീന് വാങ്ങാമെന്ന് ചൈന സമ്മതം മൂളാത്തതിനാല് അമേരിക്കയിലെ ഓഹരി വിപണിയിലെ സോയബീന് ഫ്യൂച്ചേഴ്സ് ഇടിഞ്ഞു.
തായ് വാനെക്കുറിച്ച് ഒരക്ഷരം പോലും ട്രംപ് മിണ്ടിയില്ല എന്നത് ശ്രദ്ധിക്കേണ്ടതാണ്. മുന്പ് തായ് വാന് ആയുധങ്ങള് നല്കുമെന്ന് വരെ പറഞ്ഞയാളാണ് ട്രംപ്. എന്തായാലും ചൈനയ്ക്ക് ട്രംപിനെ ആവശ്യമില്ല. അതവര് തുറന്ന് പ്രകടിപ്പിക്കുകയും ചെയ്തു. പക്ഷെ ട്രംപിന് ഇറാന് യുദ്ധത്തിലും സോയബീന് ഉള്പ്പെടെയുള്ള അവരുടെ കാര്ഷിക വിപണിയെ രക്ഷിക്കാനും അമേരിക്കയിലെ കോര്പറേറ്റ് കമ്പനികള്ക്ക് ചൈനയില് ഉല്പന്നങ്ങള് നിര്മ്മിക്കാനും ചൈനയെ വേണം. പക്ഷെ കാതലായ യാതൊന്നും സംഭവിച്ചില്ല. – കമാല് പാഷ പറയുന്നു.
