തിരുവനന്തപുരം :മന്ത്രിസ്ഥാനത്തേക്ക് പരിഗണിച്ചാല് സ്വീകരിക്കുമെന്ന് നിയുക്ത എം എല് എയും സി പി എം മുന് നേതാവുമായ ജി സുധാകരന്.യു ഡി എഫില് നിന്ന് ആരും ഇക്കാര്യം തന്നോട് സംസാരിച്ചിട്ടില്ല. മന്ത്രി സ്ഥാനം ആവശ്യപ്പെട്ടിട്ടില്ലെന്നും ആവശ്യപ്പെട്ടിട്ടല്ല മുമ്പൊന്നും മന്ത്രി ആക്കിയതെന്നും അദ്ദേഹം പറഞ്ഞു.
വെള്ളാപ്പള്ളിയെ സന്ദര്ശിച്ചതിനെ ആരും വിമര്ശിച്ചിട്ടില്ല.വെള്ളാപ്പള്ളിയോട് വ്യക്തിപരമായ ശത്രുതയുള്ള ആരെങ്കിലും വല്ലതും പറഞ്ഞിട്ടുണ്ടാകാം എന്നല്ലാതെ ഔദ്യോഗികമായി ആരും വിമര്ശിച്ചിട്ടില്ല.കേരളത്തിലെ പ്രബലമായ സമുദായത്തിന്റെ സെക്രട്ടറിയായ വെള്ളാപ്പള്ളിയെ കാണുന്നത് കൊണ്ട് ഒരു തെറ്റുമില്ലെന്ന് ജി സുധാകരന് പറഞ്ഞു.
സിപിഎം ജില്ലാ കമ്മിറ്റികളില് ഉയര്ന്നുവരുന്ന വിമര്ശനങ്ങള് സംബന്ധിച്ച് ആളുകളുടെ മനസിലുള്ള കാര്യങ്ങളാണ് ഇപ്പോള് പുറത്തുവരുന്നതെന്ന് അദ്ദേഹം ചൂണ്ടിക്കാട്ടി.എപ്പോഴായാലും മനസിലുള്ള കാര്യങ്ങള് ഒടുവില് പുറത്തുവരുമെന്ന് മനസിലാക്കിയാല് മതി.താന് കാര്യങ്ങള് എപ്പോഴും തുറന്നു സംസാരിച്ചിട്ടുണ്ടെന്നും ഇനിയും അത് തുടരുമെന്നും ജി. സുധാകരന് വ്യക്തമാക്കി.
