ബാങ്കോക്ക്: തായിലാന്ഡ് ഓപ്പണ് ബാഡ്മിന്റണില് ഭാരത താരങ്ങളില് പുരുഷ ഡബിള്സ് സഖ്യം സാത്വിക് സായിരാജ് രെങ്കിറെഡ്ഡി-ചിരാഗ് ഷെട്ടി സഖ്യം ഒഴികെയുള്ള ഭാരത താരങ്ങള് തോറ്റ് പുറത്തായി. ക്വാര്ട്ടര് പോരിനിറങ്ങിയ വനിതാ സിംഗിള്സ് താരം പി.വി. സിന്ധുവു, പുരുഷ സിംഗിള്സ് താരം ലക്ഷ്യ സെന് എന്നിവരാണ് തോറ്റ് പുറത്തായത്.
ജപ്പാന് സഖ്യം ടാക്കുമി നോമുറ-യൂച്ചി ഷിമോഗാമി സഖ്യത്തെയാണ് സാത്വിക്-ചിരാഗ് സഖ്യം പരാജയപ്പെടുത്തിയത്. നേരിട്ടുള്ള സെറ്റ് വിജയമാണ് നേടിയത്. ആദ്യ സെറ്റില് ഭാരത സഖ്യം ഒരു ഘട്ടത്തില് 10-0ന് മുന്നിട്ടു നില്ക്കുന്നുണ്ടായിരുന്നു. സ്കോര് 21-12, 21-13.
ടോപ് സീഡ് വനിതാ താരം ജപ്പാന്റെ അകാനെ യമാഗുച്ചിയോടാണ് സിന്ധു പരാജയപ്പെട്ടത്. മികച്ച പോരാട്ട വീര്യം പുറത്തെടുത്ത സിന്ധു പൊരുതി കീഴടങ്ങുകയായിരുന്നു. സ്കോര് 21-19, 18-21, 15-21. പുരുഷ സിംഗിള്സില് കുന്ലവുത്ത് വിടിദ്സാണിനോട് പൊരുതിയ സെന് നേരിട്ടുള്ള ഗെയിമിനാണ് കീഴടങ്ങിയത്.
