ബാങ്കോക്ക്: രണ്ട് വര്‍ഷത്തെ കിരീട വരള്‍ച്ചയ്‌ക്ക് പരിഹാരം കാണാനാവാതെ ഭാരത പുരുഷ ഡബിള്‍സ് സഖ്യം സാത്വിക് സായിരാജ് രെങ്കിറെഡ്ഡി-ചിരാഗ് ഷെട്ടി സഖ്യം. തായിലാന്‍ഡ് ഓപ്പണ്‍ ബാഡ്മിന്റണ്‍ ഫൈനലില്‍ ഇന്തോനേഷ്യയുടെ ലിയോ റോളി കര്‍നാന്‍ഡോ-ഡാനിയേല്‍ മാര്‍ത്തിന്‍ സഖ്യത്തോട് പരാജയപ്പെട്ടു. നേരിട്ടുള്ള ഗെയിമിന്റെ തോല്‍വിയാണ് വഴങ്ങിയത്. സ്‌കോര്‍ 12-21, 23-25.
രണ്ട് വര്‍ഷത്തെ കിരീട വരള്‍ച്ച അവസാനിപ്പിക്കാനിറങ്ങിയ സാത്വിക്-ചിരാഗ് സഖ്യത്തിന് ഫൈനലില്‍ മറുപടി നല്‍കിയത് രണ്ട് വര്‍ഷത്തെ കിരീട വരള്‍ച്ച തീര്‍ക്കാനുണ്ടായിരുന്ന ഇന്തോനേഷ്യന്‍ സഖ്യമാണെന്നത് ഫൈനലിന്റെ പ്രത്യേകതയായി. നേരിട്ടുള്ള ഗെയിമില്‍ മത്സരം അവസാനിച്ചെങ്കിലും വലിയ പോരാട്ടം കാഴ്‌ച്ചവച്ചാണ് ഭാരത സഖ്യം കീഴടങ്ങിയത്. 52 മിനിറ്റിലാണ് മത്സരം അവസാനിച്ചത്. ഈ രണ്ട് ഡബിള്‍സ് സഖ്യങ്ങള്‍ ഏറ്റുമുട്ടിയ അഞ്ചാം മത്സരമായിരുന്നു ഈ ഫൈനല്‍. ഇതിന് മുമ്പ് നാല് തവണയും ഭാരത സഖ്യത്തിനായിരുന്നു വിജയം. 2019ലും 2024ലും സാത്വിക്-ചിരാഗ് സഖ്യം തായിലാന്‍ഡ് ഓപ്പണ്‍ കിരീടം നേടിയിട്ടുണ്ട്.
