പത്തനംതിട്ട:പിണറായി വിജയനെ പ്രതിപക്ഷ നേതാവാക്കിയതില് പത്തനംതിട്ട ജില്ലാ സെക്രട്ടേറിയറ്റില് രൂക്ഷവിമര്ശനം. സംസ്ഥാന നേതൃത്വത്തിനെതിരെ നേതാക്കള് രംഗത്തെത്തി.
പിണറായിയെ മാറ്റിനിര്ത്തി പ്രതിപക്ഷ നേതാവായി മറ്റൊരാളെ കണ്ടെത്തണമെന്നും ഒരു വിഭാഗം നേതാക്കള് ആവശ്യപ്പെട്ടു.
സിപിഎം സംസ്ഥാന സെക്രട്ടറി എം.വി.ഗോവിന്ദന് സംരക്ഷിച്ചത് പാര്ട്ടിയെ അല്ലെന്നും ഭാര്യയെ മാത്രമാണെന്നും വിമര്ശനമുയര്ന്നു. പാര്ട്ടിയില് പ്രതിസന്ധി ഉണ്ടായപ്പോള് എം.വി. ഗോവിന്ദന് ഒഴിഞ്ഞുമാറി. സംഘടനാ പ്രശ്നങ്ങള് പരിഹരിക്കാന് അദ്ദേഹം തയാറായില്ലെന്നാണ് യോഗത്തില് ആക്ഷേപമുയര്ന്നത്.
പിണറായി വിജയന് പ്രായപരിധി ഇളവ് നല്കിയത് മുഖ്യമന്ത്രിയാകാന് മാത്രമാണ്. പരാജയപ്പെട്ട ശേഷം പ്രതിപക്ഷനേതാവ് ആക്കാനല്ലെന്നും അഭിപ്രായമുയര്ന്നു. മുഖ്യമന്ത്രിയുടെ ഓഫീസ് പാര്ട്ടിക്ക് അന്യമായിരുന്നു. പാര്ട്ടിക്കാര്ക്ക് ഒരു വിലയും ഇല്ലായിരുന്നുവെന്നും നേതാക്കള് കുറ്റപ്പെടുത്തി.
ആദ്യമായാണ് പിണറായി വിജയന് പ്രതിപക്ഷ നേതാവാകുന്നത്.
