കൊച്ചി : ‘ഓപ്പറേഷന് നംഖോറിന്റെ’ ഭാഗമായി നടന് ദുല്ഖര് സല്മാന്റെ ഒരു വാഹനം കൂടി കസ്റ്റംസ് പിടിച്ചെടുത്തു. കളമശേരിയിലെ ഷോറൂമില് നിന്നാണ് നിസാന് പട്രോള് വാഹനം പിടിച്ചെടുത്തത്.
കസ്റ്റംസ് പിടിച്ചെടുത്ത ഏഴ് വാഹനങ്ങളില് ഒന്നാണ് ദുര്ഖറിന്റെ വാഹനം. ദുല്ഖര് നായകനായ ലക്കി ഭാസ്കര് എന്ന ചിത്രത്തില് ഈ വാഹനം ഉണ്ട്.
ഓപ്പേറന് നംഖോറിന്റെ ഭാഗമായി കസ്റ്റംസ് പിടിച്ചെടുത്ത ദുല്ഖര് സല്മാന്റെ ലാന്ഡ് റോവര് ഡിഫന്ഡര് വാഹനം കേരളത്തിന് പുറത്ത് കൊണ്ടുപോകരുതെന്ന നിര്ദേശത്തോടെ വിട്ടു നല്കിയിരുന്നു.ഇത് കൂടാതെ തൃശൂരില് നിന്ന് പിടിച്ചെടുത്ത മറ്റൊരു വാഹനം വിട്ടു നല്കാനും തീരുമാനമായി.
ദുല്ഖറിന്റെ കൈവശമുണ്ടായിരുന്നത് ഭൂട്ടാനില് നിന്ന് എത്തിച്ച വാഹനമാണെന്ന ബോധ്യത്തിന്റെയും അത്തരം ചില രഹസ്യവിവരത്തിന്റെയും അടിസ്ഥാനത്തിലാണ് പിടിച്ചെടുത്തതെന്നാണ് കസ്റ്റംസ് അന്ന് ഹൈക്കോടതിയെ അറിയിച്ചത്. എന്നാല്, വ്യക്തികള്ക്കെതിരേ തെളിവില്ലാതെ ആരോപണങ്ങള് ഉന്നയിക്കരുതെന്നും അത് ശരിയായ നടപടിയല്ലെന്നുമാണ് കസ്റ്റംസിനോട് ഹൈക്കോടതി പറഞ്ഞത്.
