തിരുവനന്തപുരം :മന്ത്രിസഭാ രൂപീകരണത്തില് ഘടകകക്ഷികളുമായി ശനിയാഴ്ച കോണ്ഗ്രസ് ഉഭയകക്ഷി ചര്ച്ച നടത്തും.വെളളിയാഴ്ച ചേര്ന്ന യുഡിഎഫ് യോഗത്തില് വകുപ്പ് വിഭജനമടക്കം കാര്യങ്ങളില് ധാരണയിലെത്തിയില്ല.
ഉഭയകക്ഷിയോഗ ശേഷം വീണ്ടും യുഡിഎഫ് യോഗം ചേര്ന്ന് അന്തിമധാരണയിലെത്തും. മുഖ്യമന്ത്രിയോടൊപ്പം മുഴുവന് മന്ത്രിമാരും തിങ്കളാഴ്ച സത്യപ്രതിജ്ഞ ചെയ്യാനാണ് ഒരുക്കങ്ങള് പുരോഗമിക്കുന്നത്.സ്പീക്കര് തിരഞ്ഞെടുപ്പ് ഈ മാസം 22നാകും. യുഡിഎഫ് സര്ക്കാരിന്റെ നയപ്രഖ്യാപനം 28ന് നടക്കും.സംസ്ഥാന ബജറ്റ് അടുത്ത മാസം അഞ്ചിന്.
തിങ്കളാഴ്ച രാവിലെ 10 ന് സെന്ട്രല് സ്റ്റേഡിയത്തില് നടക്കുന്ന സത്യപ്രതിജ്ഞ ചടങ്ങ് ആഘോഷമാക്കി മാറ്റാനുളള തയാറെടുപ്പിലാണ് യുഡിഎഫ്. സത്യപ്രതിജ്ഞയ്ക്ക് വിപുലമായ സുരക്ഷാക്രമീകരണങ്ങളാണ് പൊലീസ് ഏര്പ്പെടുത്തിയിട്ടുളളത്.
