തിരുവനന്തപുരം: നിയുക്ത മുഖ്യമന്ത്രി വി ഡി സതീശന് ശ്രീ പത്മനാഭസ്വാമി ക്ഷേത്ര ദര്ശനം നടത്തി.വ്യാഴാഴ്ച ഗവര്ണറെ കണ്ട ശേഷം ക്ഷേത്രത്തില് എത്തിയ സതീശനെ ക്ഷേത്രം അധികൃതര് സ്വീകരിച്ചു.
സര്ക്കാര് രൂപീകരണത്തിനായി വി ഡി സതീശന് ഗവര്ണറെ കണ്ട് പിന്തുണക്കത്ത് കൈമാറിയതിന് പിന്നാലെ സത്യപ്രതിജ്ഞ തീയതികള് തീരുമാനിച്ചു.ആദ്യ നിയമസഭ 21ന് ചേരുമ്പോള് എല്ലാ എംഎല്എമാരും സത്യപ്രതിജ്ഞ ചെയ്യും. മുഴുവന് മന്ത്രിസഭാംഗങ്ങളെയും തിങ്കളാഴ്ചയ്ക്ക് മുന്പ് തീരുമാനിക്കാനാണ് യുഡിഎഫ് ശ്രമം.
വ്യാഴാഴ്ച വൈകിട്ട് നടന്ന നിയമസഭ കക്ഷി യോഗത്തില് എഐസിസി തീരുമാനം ദീപദാസ് മുന്ഷി ആദ്യം യോഗത്തെ അറിയിച്ചു. തുടര്ന്ന് വിഡി സതീശനെ കോണ്ഗ്രസ് നിയമസഭ കക്ഷി നേതാവായി തെരഞ്ഞെടുത്തു. സണ്ണി ജോസഫ് അവതരിപ്പിച്ച പ്രമേയം തിരുവഞ്ചൂര് രാധാകൃഷ്ണനാണ് പിന്താങ്ങിയത്.
