കൊച്ചി ; കോൺഗ്രസിൽ മുഖ്യമന്ത്രി ചർച്ചകൾ മൂർച്ഛിക്കുമ്പോൾ വി ഡി സതീശന് ആദ്യം പിന്തുണ നൽകി രംഗത്തെത്തിയത് മുസ്ലീം ലീഗാണ് . എന്നും ലീഗിന്റെ നയങ്ങളെ പിന്തുണച്ചതിനുള്ള നന്ദിപ്രകടനമായിരുന്നു ഈ പിന്തുണയെന്നത് പകൽ പോലെ വ്യക്തം. . പത്തനംതിട്ടയിൽ നടന്ന ഖുർആൻ ഫെസ്റ്റിൽ സതീശൻ നടത്തിയ പ്രസംഗമാണ് അടുത്തിടെ സതീശനെ ലീഗിന്റെയും , കേരളത്തിലെ ജിഹാദികളുടെയും പ്രിയങ്കരനാക്കിയത്.
ആധുനിക ശാസ്ത്രം കണ്ടുപിടിക്കുന്നതിന് നൂറ്റാണ്ടുകൾക്ക് മുൻപേ ഭൂമി ഗോളമാണെന്നും സൂര്യന് ചുറ്റും ഭ്രമണം ചെയ്യുന്നതാണെന്നും പ്രവാചകൻ പറഞ്ഞു എന്നായിരുന്നു സതീശൻ പറഞ്ഞത്. ഇതൊരു ഗോളമാണെന്നും സൂര്യന് ചുറ്റുമുള്ള ഭ്രമണപഥത്തിലൂടെയാണ് സഞ്ചരിക്കുന്നതെന്നും പ്രവാചകൻ പറഞ്ഞിട്ടുണ്ടെന്ന് വിഡി സതീശൻ പറഞ്ഞു.
വിശുദ്ധ ഖുർആനിലെ ആശയങ്ങൾ വെറുമൊരു വിശ്വാസമല്ല, മറിച്ച് കൃത്യമായ ജീവിതക്രമമാണ്. ആധുനിക ശാസ്ത്രം പല നിഗമനങ്ങളിലും എത്തുന്നതിന് നൂറ്റാണ്ടുകൾക്ക് മുൻപേ കാലത്തിന് മുൻപേ നടന്ന ചിന്താഗതിയാണ് പ്രവാചകൻ മുന്നോട്ടുവെച്ചത് . ശാസ്ത്രീയമായ കാര്യങ്ങൾ പോലും വളരെ മുൻകൂട്ടി വിശുദ്ധ ഗ്രന്ഥത്തിൽ പ്രതിപാദിച്ചിട്ടുണ്ട്. ശാസ്ത്രം പിന്നീട് തെളിയിച്ച പല കാര്യങ്ങളും നൂറ്റാണ്ടുകൾക്ക് മുൻപേ പ്രവാചകൻ പറഞ്ഞിട്ടുള്ളത് തന്നെ അത്ഭുതപ്പെടുത്തിയിട്ടുണ്ടെന്നുമാണ് സതീശൻ പറഞ്ഞത് .
പ്രതിപക്ഷനേതാവിന്റെ ഈ പ്രസ്താവന സംസ്ഥാനത്തെ ഒട്ടു മിക്ക മുസ്ലീം സൈബർ ഗ്രൂപ്പുകളും ഏറ്റെടുത്ത് വൈറലാക്കുകയും ചെയ്തു. ഇതോടെ മുസ്ലീങ്ങൾക്കിടയിൽ സതീശൻ സ്വന്തം നേതാവായി മാറുകയും ചെയ്തു.
