തിരുവനന്തപുരം: ഗവർണറെ കണ്ട് പിണറായി വിജയൻ. രാജ് ഭവനില്‍ എത്തി കൂട്ടിക്കാഴ്ച നടത്തി. ഗവർണർക്ക് നന്ദി അറിയിച്ച പിണറായിക്ക് ഗവർണർ ആശംസകള്‍ നേർന്നു. പിണറായി നേരത്തെ രാജിക്കത്ത് നല്‍കിയിരുന്നു. പ്രത്യേക ദൂതൻ വഴി രാജിക്കത്ത് ലോക്ഭവനിലെത്തിക്കുകയായിരുന്നു.
നിയമസഭാ ഫലം വന്ന ശേഷം ചേരാനിരുന്ന മന്ത്രിസഭാ യോഗവും വേണ്ടെന്നുവെച്ചു. മുഖ്യമന്ത്രിയുടെ രാജി സ്വീകരിച്ചതായി ഗവർണർ ഔദ്യോഗികമായി അറിയിച്ചിരുന്നു. സ്ഥാനമൊഴിയുന്നതിനോടനുബന്ധിച്ച്‌ അദ്ദേഹം ഗവർണറുമായി ഫോണില്‍ സംസാരിക്കുകയും ചെയ്തിരുന്നു.
സാങ്കേതികമായി ഇപ്പോഴും മുഖ്യമന്ത്രിയാണെങ്കിലും പിണറായി വിജയന്‍ ഭരണകാര്യങ്ങളില്‍ ഇടപെടുന്നില്ല. മന്ത്രിമാരെല്ലാം സ്ഥാനമൊഴിഞ്ഞു. മുഖ്യമന്ത്രി രാജിക്കത്തു നല്‍കുമ്പോള്‍ കാവല്‍ മന്ത്രിസഭ തുടരാന്‍ ഗവര്‍ണര്‍ നിര്‍ദേശിക്കുകയാണു പതിവ്. എന്നാല്‍, ഇത്തവണ മുഖ്യമന്ത്രിയോടു മാത്രമാണ് ഗവര്‍ണര്‍ തുടരാന്‍ നിര്‍ദേശിച്ചത്.
തമിഴ്‌നാട്ടിലെ സത്യപ്രതിജ്ഞയ്‌ക്കു ശേഷം ഗവര്‍ണര്‍ തിരിച്ചെത്തിയ സാഹചര്യത്തിലാണ് ഇന്ന് അദ്ദേഹം ലോക്ഭവനിലെത്തി ഗവർണറെ കണ്ടത്
