കൊച്ചി : സ്ത്രീകൾ പാട്ടുപാടിയാൽ ആളുകളെ ഭൂമി വിഴുങ്ങുമെന്നും, മനുഷ്യരെ കുരങ്ങുകളായും, പന്നികളായും മറ്റും രൂപം മാറ്റുമെന്നും , ആകാശത്തു നിന്നു കല്ലേറുകൾ വരുമെന്നും സമസ്ത നേതാവ് അബ്ദുൾ ഹമീദ് ഫൈസി അമ്പലക്കടവ് . ഫേസ്ബുക്ക് പോസ്റ്റിലാണ് അബ്ദുൾ ഫൈസിയുടെ ഈ പരാമർശം.
50 വർഷം മുമ്പ് പർദ്ദ ഇല്ലെങ്കിൽ നടന്നു പോവുമ്പോൾ ഒരു കുട കയ്യിൽ കരുതുകയും അന്യ പുരുഷൻമാർ ശ്രദ്ധയിൽ പെട്ടാൽ കുട കൊണ്ട് മുഖം മറക്കുകയും ഇസ്ലാമിലെ ഹിജാബ് നിയമം സൂക്ഷിക്കുകയും ചെയ്തിരുന്ന ഒരു തലമുറയാണ് ഈ വലിയ മാറ്റത്തിന് വിധേയമായത്. ഈ വിഷയത്തിൽ പ്രമാണങ്ങൾ വളച്ചൊടിച്ച മുജാഹിദ്, ജമാഅത് വിഭാഗങ്ങൾക്കുള്ള പങ്കു ചെറുതല്ലെന്നും ഫൈസി അമ്പലക്കടവ് പറയുന്നു.
ഫേസ്ബുക്ക് പോസ്റ്റിന്റെ പൂർണ്ണരൂപം ഇങ്ങനെ….
” ആളുകളെ പിടിച്ചു ഭൂമി വിഴുങ്ങും, മനുഷ്യരെ കുരങ്ങുകളായും, പന്നികളായും മറ്റും രൂപം മാറ്റും, ആകാശത്തു നിന്നു കല്ലേറുകൾ വരും ,”
ഭാവിയിൽ വരാനിരിക്കുന്ന ഇത്തരം കാര്യങ്ങളെ കുറിച്ച് തിരുനമ്പി (സ്വ ) അനുചരൻമാരോട് പറഞ്ഞപ്പോൾ , കുട്ടത്തിൽ ഒരാൾ ചോദിച്ചു:, അല്ലാഹുവിന്റെ തിരു ദൂതരേ, ഇതെല്ലാം എപ്പോഴാണ് സംഭവിക്കുക? തിരുനബി (സ്വ) പറഞ്ഞു, പാട്ടുപാടുന്ന സ്ത്രീകളും , സംഗീതോപകരണങ്ങളും , അരങ്ങു തകർക്കുകയും, മദ്യപാനം സാർവ്വത്രികമാവുകയും ചെയ്താൽ. (തുർമുദി)
നമ്മുടെ വിവാഹങ്ങൾക്ക് ഗാനമേള ,
കല്യാണ സദസ്സുകളിലേക്കു ചെന്നാൽ നമ്മെ സ്വീകരിക്കാൻ കൈ കൂപ്പി നിൽക്കുന്ന വനിതാ രത്നങ്ങൾ,
പാവപ്പെട്ടവന്റെ വൃക്ക മാറ്റി വെക്കാൻ ഫണ്ടിനു വേണ്ടി ഇശൽ നൈറ്റ്,
റിസപ്ഷനിസ്റ്റ് ആവാൻ സുന്ദരികളായ കൗമാരക്കാരികൾ,
ഹാങ്കറിംഗിനും വേണം സ്ത്രികൾ.
സ്കൂൾ തലം തൊട്ടു തന്നെ പാട്ടു പാടാൻ അറിയുന്ന നമ്മുടെ പെൺ കുട്ടികളെ പരിശീലിപ്പിച്ചു നാം അവർക്ക് വേണ്ട പ്രോൽസാഹനം നൽകുന്നു.
യൂട്യൂബിലും മറ്റു സോഷ്യൽ മീഡിയ പ്ലാറ്റ്ഫോമുകളിലും നിറഞ്ഞാടുന്നത് നമ്മുടെ പെൺ മക്കൾ.
മത സ്റ്റേജുകളിൽ പോലും പര പുരുഷൻമാരെ അഭിസംബോധനം ചെയ്തു സംസാരിക്കുന്ന മുസ്ലിം സ്ത്രീകൾ.
അന്യ പുരുഷൻമാർക്ക് ഹസ്തദാനം ചെയ്യാനും, അവരെ ആലിംഗനം ചെയ്യാനും ലജ്ജയില്ലാത്ത നമ്മുടെ സ്ത്രികൾ !!!!
50 വർഷം മുമ്പ് പർദ്ദ ഇല്ലെങ്കിൽ നടന്നു പോവുമ്പോൾ ഒരു കുട കയ്യിൽ കരുതുകയും അന്യ പുരുഷൻമാർ ശ്രദ്ധയിൽ പെട്ടാൽ കുട കൊണ്ട് മുഖം മറക്കുകയും ഇസ്ലാമിലെ ഹിജാബ് നിയമം സൂക്ഷിക്കുകയും ചെയ്തിരുന്ന ഒരു തലമുറയാണ് ഈ വലിയ മാറ്റത്തിന് വിധേയമായത്.
ഈ വിഷയത്തിൽ പ്രമാണങ്ങൾ വളച്ചൊടിച്ച മുജാഹിദ്, ജമാഅത് വിഭാഗങ്ങൾക്കുള്ള പങ്കു ചെറുതല്ല
