ചെന്നൈ: തമിഴ്നാട് മുഖ്യമന്ത്രിയായി വിജയ് സത്യപ്രതിജ്ഞ ചെയ്തതിന് പിന്നാലെ, അദ്ദേഹത്തിന്റെ അവസാന ചിത്രമെന്ന് പറയപ്പെടുന്ന ‘ജനനായകന്’ രണ്ടാഴ്ചയ്ക്കുള്ളില് റിലീസ് ചെയ്യുമെന്ന് നിര്മ്മാതാവും കെവിഎന് പ്രൊഡക്ഷന്സ് സ്ഥാപകനുമായ വെങ്കട്ട് കെ. നാരായണ അറിയിച്ചു. സത്യപ്രതിജ്ഞാ ചടങ്ങില് പങ്കെടുത്ത ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം.
ചിത്രത്തിന്റെ സെന്സര് ബോര്ഡ് നടപടികള് അവസാന ഘട്ടത്തിലാണ്.ഏകദേശം 14 ദിവസത്തിനുള്ളില് ചിത്രം ലോകമെമ്പാടുമുള്ള തിയേറ്ററുകളില് എത്തും.
വിജയ് വ്യക്തിപരമായി വളരെ അച്ചടക്കമുള്ള വ്യക്തിയാണ്.നല്കുന്ന വാഗ്ദാനങ്ങള് പാലിക്കുന്ന സ്വഭാവക്കാരനാണെന്നും വെങ്കട്ട് കെ. നാരായണ പറഞ്ഞു. തമിഴ്നാടിന്റെ പുതിയ ‘ജനനായകന്’ ആയി അദ്ദേഹം മാറിക്കഴിഞ്ഞുവെന്നും പുതിയൊരു ഭരണയുഗം ആരംഭിച്ചെന്നും അദ്ദേഹം കൂട്ടിച്ചേര്ത്തു.
എച്ച്. വിനോദ് ആണ് ജനനായകന് സംവിധാനം ചെയ്യുന്നത്. വിജയ്യുടെ രാഷ്ട്രീയ പ്രവേശനവുമായി ചേര്ന്നുനില്ക്കുന്ന പ്രമേയമാണ് ചിത്രത്തിലേതെന്നാണ് വിവരം.
ചിത്രത്തിന്റെ ചില ഭാഗങ്ങള് ഓണ്ലൈനില് ചോര്ന്നിരുന്നു. സംഭവവുമായി ബന്ധപ്പെട്ട് ഒരു ഫ്രീലാന്സ് അസിസ്റ്റന്റ് എഡിറ്റര് ഉള്പ്പെടെയുള്ളവരെ പൊലീസ് അറസ്റ്റ് ചെയ്തിരുന്നു.
