ന്യൂദല്ഹി :തെരഞ്ഞെടുപ്പിലേറ്റ തോല്വിക്ക് ശേഷം സിപിഎമ്മിന്റെ നിര്ണായക പോളിബ്യൂറോ യോഗം ദല്ഹിയില് പുരോഗമിക്കുന്നു. കേരളത്തിലെ രാഷ്ട്രീയ സാഹചര്യവും പ്രതിപക്ഷ നേതൃസ്ഥാനം സംബന്ധിച്ചും യോഗം തിങ്കളാഴ്ച ചര്ച്ച ചെയ്യും.
നിയമസഭ തെരഞ്ഞെടുപ്പില് കേരളത്തിലും പശ്ചിമ ബംഗാളിലുമുണ്ടായ പരാജയങ്ങളുടെ പ്രാഥമിക വിലയിരുത്തലാണ് ദല്ഹി എകെജി ഭവനില് ആരംഭിച്ച സിപിഎം പോളിറ്റ് ബ്യൂറോ യോഗത്തിന്റെ പ്രധാന അജണ്ട.പിണറായി വിജയനെ കേരളത്തിലെ പ്രതിപക്ഷ നേതാവാക്കാനുള്ള അനുമതി പോളിറ്റ് ബ്യൂറോ നല്കാനാണ് സാധ്യത.
കേരളത്തില് ഉണ്ടായ തിരിച്ചടിയുടെ കാരണങ്ങള് വിശദീകരിച്ചുള്ള പ്രാഥമിക റിപ്പോര്ട്ടാണ് സംസ്ഥാന ഘടകം ഇന്ന് പിബിക്ക് മുന്നില് വെച്ചത്. വിശദമായ ചര്ച്ചകള് ഈ മാസം 22ന് ചേരുന്ന കേന്ദ്ര കമ്മിറ്റി യോഗത്തില് നടക്കും.
