പട്ടാപകൽ സ്ത്രീയെ തള്ളിയിട്ട് ആഭരണങ്ങൾ മോഷ്ടിച്ചു; കൊടും ക്രിമിനൽ ജൈനുദ്ദീനെ വെടിവച്ച് വീഴ്‌ത്തി യുപി പൊലീസ് : കാൽ മുറിച്ചു നീക്കണമെന്ന് ഡോക്ടർമാർ

ദിയോറിയ ; പട്ടാപ്പകൽ യുവതിയെ ആക്രമിച്ച് ആഭരണങ്ങൾ കവർന്ന കേസിലെ പ്രതി ജൈനുദ്ദീനെ വെടിവച്ച് വീഴ്‌ത്തി യുപി പൊലീസ് . ഉത്തർപ്രദേശിലെ ദിയോറിയ ജില്ലയിലെ കൊടും ക്രിമിനലാണ് ജൈനുദീൻ. കവർച്ച, അക്രമം , തുടങ്ങി വിവിധ കേസുകളിൽ പ്രതിയാണ് ഗോഗ എന്ന ജൈനുദ്ദീൻ

ഗൗരിബസാർ പോലീസ് സ്റ്റേഷൻ പരിധിയിലുള്ള ബഖ്‌റയിൽ വച്ചാണ് ജൈനുദീൻ പട്ടാപ്പകൽ യുവതിയെ മർദ്ദിച്ച് ആക്രമിച്ച് തള്ളിയിട്ട ശേഷം ആഭരണങ്ങളുമായി കടന്നത് . സ്ഥലത്തെത്തിയ പൊലീസ് ഉടൻ അന്വേഷണം ഊർജ്ജിതമാക്കി. ഒളിവിലായിരുന്ന ജൈനുദീനെ കണ്ടെത്തിയ പൊലീസ് പിടികൂടാൻ ശ്രമിച്ചെങ്കിലും ജൈനുദീൻ പ്രത്യാക്രമണം നടത്താൻ ശ്രമിച്ചു. തുടർന്ന് പൊലീസ് ഇയാളെ വെടിവച്ച് വീഴ്‌ത്തുകയായിരുന്നു. ആശുപത്രിയിൽ എത്തിച്ച ജൈനുദീന്റെ അവസ്ഥ ഗുരുതരമാണെന്നും വെടിയേറ്റ കാൽ മുറിച്ച് മാറ്റേണ്ടി വരുമെന്നും ഡോക്ടർമാർ പറഞ്ഞു.

പ്രതിയിൽ നിന്ന് രണ്ട് നാടൻ പിസ്റ്റളുകൾ, വെടിയുണ്ടകൾ, മോഷ്ടിച്ച സ്വർണ്ണ, വെള്ളി ആഭരണങ്ങൾ എന്നിവ കണ്ടെടുത്തു.