കൊല്ക്കത്ത: മുപ്പത്തഞ്ചു വര്ഷക്കാലം ബംഗാള് ഭരിച്ച സിപിഎമ്മിന് കഴിഞ്ഞ 15 വര്ഷത്തിനിടെ തൃണമൂല് ഭരണകാലത്ത് ഒരു തവണ പോലും ലഭിക്കാത്ത സര്ക്കാര് പരസ്യം ലഭിച്ചത് ബിജെപി സര്ക്കാര് വന്നതിന് ശേഷം. തൃണമൂല് ഭരണകാലത്ത് സര്ക്കാര് പരസ്യങ്ങള് നിഷേധിക്കപ്പെട്ടിരുന്ന സിപിഎം മുഖപത്രമായ ഗണശക്തിക്കാണ് ബിജെപി മുഖ്യമന്ത്രിയായി സുവേന്ദു അധികാരി സത്യപ്രതിജ്ഞ ചെയ്ത ദിവസം തന്നെ സര്ക്കാര് പരസ്യം നല്കിയത്.
പത്രത്തിന്റെ ഒന്നാം പേജില് പ്രധാനമന്ത്രി നരേന്ദ്ര മോദിയുടെയും മുഖ്യമന്ത്രി സുവേന്ദുവിന്റെയും ചിത്രങ്ങളടങ്ങിയ ഔദ്യോഗിക പരസ്യമാണ് വന്നത്. ഇതോടെ കടുത്ത സാമ്പത്തിക പ്രതിസന്ധിയിലൂടെ കടന്നുപോയിരുന്ന പത്രത്തിന് ബിജെപി സര്ക്കാര് വലിയ ആശ്വാസമാണ് നല്കുന്നത്.
ഏകാധിപതിയായ മമത ബാനര്ജി സ്വീകരിച്ച നിലപാടില് നിന്ന് പുതിയ സര്ക്കാര് മാറ്റം വരുത്തുന്നത് നല്ല കാര്യമാണെന്ന് സിപിഎം സംസ്ഥാന സെക്രട്ടറി മുഹമ്മദ് സലിം പ്രതികരിച്ചു.
ഗണശക്തിക്ക് പരസ്യം നല്കുന്നത് വിലക്കിയ മമത ബാനര്ജി സര്ക്കാരിന്റെ നിലപാടിനെതിരെ സിപിഎം പോരാട്ടം നടത്തിയിരുന്നെങ്കിലും അതൊന്നും ഫലം കണ്ടിരുന്നില്ല.
