കൊച്ചി: വി.ഡി. സതീശൻ മുഖ്യമന്ത്രിയാകുന്നതിനായി ആലുവ മഹാദേവ ക്ഷേത്രത്തിൽ പ്രത്യേക പൂജകൾ. ഗണപതിഹോമം, ഭഗവതി സേവ, മൃത്യുഞ്ജയ ഹോമം, കടുംപായസം, ജലധാര, കരിക്ക് അഭിഷേകം തുടങ്ങിയ വിപുലമായ വഴിപാടുകളാണ് സതീശന്റെ വിജയത്തിനായി നടന്നത്. യൂത്ത് കോൺഗ്രസ് ആലുവ മണ്ഡലം വൈസ് പ്രസിഡന്റ് തരുൺ ജെറോം 955 രൂപ അടച്ചാണ് പൂജകൾ ബുക്ക് ചെയ്തത്.
ഒന്നരവർഷമായി അബുദാബിയിൽ കഴിയുകയാണ് തരുൺ. സതീശനോടുള്ള താല്പര്യത്തെ തുടർന്ന് സുഹൃത്തിനെ കൊണ്ടാണ് ക്ഷേത്രത്തിൽ പൂജകൾ നടത്തിച്ചത്. പട നയിച്ചവനാണ് അധികാരത്തിൽ ഇരിക്കാൻ യോഗ്യനെന്നും തരുൺ പറയുന്നു. അതേസമയം മുഖ്യമന്ത്രിയെ തീരുമാനിക്കാൻ ഇന്ന് ഡൽഹിയിൽ നിർണ്ണായക യോഗം നടക്കുകയാണ് .
വിഡി സതീശൻ, രമേശ് ചെന്നിത്തല, കെ സി വേണുഗോപാൽ എന്നിവർക്കൊപ്പം കെ പി സി സി പ്രസിഡന്റും യോഗത്തിൽ പങ്കെടുക്കുന്നുണ്ട്.നേതാക്കളുമായി ഒറ്റക്കൊറ്റക്കും ഒന്നിച്ചിരുന്നും കോണ്ഗ്രസ് അധ്യക്ഷന് മല്ലികാര്ജുന് ഖര്ഗെയും ഹൈക്കമാൻഡ് പ്രതിനിധികളും ചർച്ച നടത്തും.
