തിരുവനന്തപുരം: നിയമസഭാ തെരഞ്ഞെടുപ്പില് ഇടത് മുന്നണിക്കേറ്റ കനത്ത പരാജയത്തിന്റെ കാരണം ന്യൂനപക്ഷ വോട്ടുകളുടെ ഏകീകരണമാണെന്ന് പിണറായി വിജയന്. എല്ഡിഎഫിന്റെ തോല്വിക്ക് കാരണം മതന്യൂനപക്ഷങ്ങളുടെ ഏകീകരണവും മാധ്യമങ്ങളുമെന്നാണ് തെരഞ്ഞെടുപ്പ് ഫലം വന്ന് മൂന്നാം നാള് പുറത്തിറക്കിയ പ്രസ്താവനയില് പിണറായി വിജയന് വ്യക്തമാക്കുന്നത്.
എന്നാല് തെരഞ്ഞെടുപ്പില് ന്യൂനപക്ഷ ഏകീകരണം ഉണ്ടായെന്ന അഭിപ്രായം ഇപ്പോഴില്ലെന്നായിരുന്നു ഇടത് മുന്നണി കണ്വീനര് ടി.പി. രാമകൃഷ്ണന് പറഞ്ഞത്. ഇടത് മുന്നണി യോഗത്തിന് ശേഷം വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം. തെരഞ്ഞെടുപ്പില് ന്യൂനപക്ഷ ഏകീകരണം ഉണ്ടായതായി നിലപാടില്ല. എന്നാല് തന്റെ മണ്ഡലത്തിലുള്പ്പെടെ സംസ്ഥാനത്താകെ യുഡിഎഫും ബിജെപിയും വര്ഗീയ പ്രചാരണം നടത്തി. കോണ്ഗ്രസ് പി.ആര്. ഏജന്സികളെ ഉപയോഗിച്ചു. എന്നാല് സിപിഎം ജനങ്ങളിലേക്കാണ് ഇറങ്ങുന്നതെന്നും എല്ഡിഎഫ് കണ്വീനര് പറഞ്ഞു.
നിയമസഭ തെരഞ്ഞെടുപ്പില് കനത്ത തോല്വിയില് മൗനത്തിലായിരുന്ന പിണറായി വിജയന് പ്രസ്താവനയിലൂടെയാണ് മൂന്നാം നാള് മൗനം വെടിഞ്ഞത്. ജനവിധിയെ ആദരവോടെ സ്വീകരിക്കുന്നുവെന്നും ശക്തമായ പ്രതിപക്ഷമായി മുന്നോട്ട് പോകുമെന്നും പിണറായി വിജയന് പറയുന്നു. പരാജയം അപ്രതീക്ഷിതമാണെങ്കിലും വലിയൊരു ജനവിഭാഗം ഇടത് മുന്നണിക്കൊപ്പം ഉറച്ചുനിന്നത് ആത്മവിശ്വാസം നല്കുന്നു. ശക്തമായ പ്രതിപക്ഷ നിലപാടിലൂടെ പുതിയ സര്ക്കാരിന്മേല് ജനാധിപത്യ സമ്മര്ദം ചെലുത്തും. ജനങ്ങളുടെ ജീവിതനിലവാരം ഉയര്ത്തുന്ന ഏത് നല്ല നടപടിയെയും പിന്തുണയ്ക്കും. ജനവിരുദ്ധ തീരുമാനങ്ങള്ക്കെതിരെ ശക്തമായി പ്രതികരിക്കും. ഈ തെരഞ്ഞെടുപ്പിലെ ചില സൂചനകള് മതനിരപേക്ഷത സംരക്ഷിക്കണം എന്ന് ആഗ്രഹിക്കുന്നവരെ ആശങ്കപ്പെടുത്തുന്നതാണ്. ബിജെപി മൂന്ന് സീറ്റുകള് നേടിയത് ഗൗരവതരമാണ്. അനുഭവങ്ങളില് നിന്ന് പാഠങ്ങള് ഉള്ക്കൊണ്ട് മുന്നോട്ട് പോകുകയാണ് പ്രധാനമെന്ന് എല്ഡിഎഫ് വിശ്വസിക്കുന്നു. പാര്ട്ടി പ്രവര്ത്തകരുടെ അഭിപ്രായങ്ങള് ഗൗരവമായി കേള്ക്കും.
എല്ഡിഎഫിന് ഈ ജനവിധി ഒരു അവസാനമല്ല, മറിച്ച് തുടര്ച്ചയായ രാഷ്ട്രീയ പ്രവര്ത്തനത്തിനുള്ള പുതിയ തുടക്കമാണ്. ഒരുമിച്ചു നിന്നാല് കൂടുതല് ശക്തിയോടെ തിരിച്ചുവരാമെന്നും അദ്ദേഹം തന്റെ പ്രസ്താവനയില് പറയുന്നു.
തോല്വിയെക്കുറിച്ച് പിണറായി പ്രതികരിക്കാതിരുന്നത് കടുത്ത വിമര്ശനങ്ങള്ക്ക് ഇടയാക്കിയിരുന്നു. മാധ്യമങ്ങളുടെ ചോദ്യങ്ങള്ക്ക് മറുപടി പറയാന് സാധിക്കാതിരുന്നതിനാലാണ് അകന്ന് നിന്നത്. കഴിഞ്ഞ ദിവസം ചേര്ന്ന സിപിഎം സെക്രട്ടേറിയറ്റില് മുഖ്യമന്ത്രിയുടെ മൗനം കടുത്ത വിമര്ശനങ്ങള്ക്ക് ഇടയാക്കിയിരുന്നു. ഇതോടെയാണ് പ്രസ്താവന ഇറക്കി തടിതപ്പിയത്.
തെരഞ്ഞെടുപ്പില് ഇടത് മുന്നണിക്ക് ഉണ്ടായത് അപ്രതീക്ഷിത തിരിച്ചടിയാണെന്നും പാര്ട്ടിയുടെ താഴെത്തട്ടില്വരെയുള്ള വിലയിരുത്തലുകള്ക്ക് ശേഷം ജൂണ് അവസാനത്തോടെ ഇത് സംബന്ധിച്ച റിപ്പോര്ട്ട് തയാറാക്കുമെന്നും ഇടത് മുന്നണി കണ്വീനര് ടി.പി. രാമകൃഷ്ണന് പറഞ്ഞു. വോട്ടിങ് സമ്പ്രദായത്തിലെ പ്രശ്നങ്ങളും വിലയിരുത്തും. പരാജയം സംബന്ധിച്ച് പൊതുജനങ്ങളില് നിന്നുള്ള അഭിപ്രായവും തേടും. റിപ്പോര്ട്ട് ലഭിച്ച ശേഷം ആവശ്യമായ തിരുത്തല് നടപടികള് സ്വീകരിക്കും. തിരുത്തലുകള്ക്ക് തയാറാകാത്തവരെ പാര്ട്ടിയില് തുടരാന് അനുവദിക്കില്ലെന്നും ടി.പി. രാമകൃഷ്ണന് പറഞ്ഞു.
സിപിഎമ്മില് നേതൃമാറ്റം വേണമെന്ന തരത്തില് ഫ്ലക്സ് വച്ചവര് പാര്ട്ടി പ്രവര്ത്തകരല്ല. പിണറായി വിജയന് പ്രതിപക്ഷ നേതാവാകാന് പാടില്ലെന്ന് ഘടകകക്ഷികളാരും പറഞ്ഞിട്ടില്ല. മുഖ്യമന്ത്രിയെ തീരുമാനച്ച് കഴിഞ്ഞാല് പ്രതിപക്ഷനേതാവിനെ തെരഞ്ഞെടുക്കും. പ്രതിപക്ഷനേതാവിനെ സംബന്ധിച്ച നിലപാട് പൂര്ണമായും സിപിഎമ്മിന്റേതായിരിക്കുമെന്നും അദ്ദേഹം വ്യക്തമാക്കി
