തൃശൂരില്‍ കാവി പടരുകയാണ്.. തൃശൂരിന്റെ വടക്കന്‍ മേഖലയിലെ നിയോജകമണ്ഡലങ്ങളില്‍ ബിജെപിയ്‌ക്ക് ലഭിച്ച വോട്ടുകളുടെ എണ്ണത്തില്‍ വന്‍കുതിപ്പ്

തൃശൂര്‍: തൃശൂര്‍ ജില്ലയില്‍ കാവി പടരുന്നതായി കണക്കുകള്‍. തൃശൂരിലെ വടക്കന്‍ മേഖലയിലെ നിയോജകമണ്ഡലങ്ങളില്‍ ബിജെപിയ്‌ക്കുള്ള വോട്ടുകളുടെ എണ്ണത്തിന്‍ വന്‍കുതിപ്പാണ് 2026ലെ നിയമസഭാ തെരഞ്ഞെടുപ്പില്‍ സംഭവിച്ചത്.

ചേലക്കര, വടക്കാഞ്ചേരി, ഗുരുവായൂര്‍ നിയോജകമണ്ഡലങ്ങളിലാണ് വോട്ടുകളുടെ എണ്ണത്തില്‍ വന്‍കുതിപ്പുണ്ടാകുന്നത്. 2021-നെ അപേക്ഷിച്ച് 2026-ൽ വോട്ടുകളിൽ ഉണ്ടായ വൻ വർധന വ്യക്തമായ മാറ്റത്തിന്റെ സൂചനയാണ്.

ചേലക്കരയില്‍ കെ. ബാലകൃഷ്ണന്‍ നേടിയത് 13,241 അധികം വോട്ടുകള്‍

ചേലക്കരയില്‍ ബിജെപിയ്‌ക്ക് 2021ല്‍ 24,045 വോട്ടുകളാണ് ലഭിച്ചതെങ്കില്‍ 2026ല്‍ കിട്ടിയത് 37,286 വോട്ടുകളാണ്. കെ. ബാലകൃഷ്ണനായിരുന്നു ഇവിടുത്തെ ബിജെപി സ്ഥാനാര‍്ത്ഥി. ഏകദേശം 13,241 വോട്ടുകളെ വര്‍ധനയാണ് ബാലകൃഷ്ണന്‍ നേടിയത്.

വടക്കാഞ്ചേരിയില്‍ അഡ്വ. കെ. ഉല്ലാസ് ബാബു നേടിയത്
.
വടക്കാഞ്ചേരി മണ്ഡലത്തില്‍ 2021ല്‍ 21747 വോട്ടുകളാണ് ബിജെപിയ്‌ക്ക്കിട്ടിയിരുന്നതെങ്കില്‍, 2026ല്‍ 25,844 വോട്ടുകളാണ് ലഭിച്ചത്. ഏകദേശം 4,000ല്‍ പരം വോട്ടുകളുടെ വര്‍ധന.

ഗുരുവായൂരില്‍ അഡ്വ. ബി. ഗോപാലകൃഷ്ണന്‍ ഏകദേശം 3500 അധികം വോട്ടുകള്‍ നേടി

ഗുരുവായൂര്‍ നിയോജകമണ്ഡലത്തിലും വോട്ടുകളുടെ എണ്ണത്തില്‍ വര്‍ധനവുണ്ടായി. 2021ല്‍ 25,490 വോട്ടുകളുണ്ടായ സ്ഥാനത്ത് 2026ല്‍ കെ.ഗോപാലകൃഷ്ണന് ലഭിച്ചത് 28,947 വോട്ടുകള്‍. ഏകദേശം 3500 വോട്ടുകളാണ് അഡ്വ.ബി. ഗോപാലകൃഷ്ണന്‍ അധികം നേടിയത്.