പാലക്കാട്: പാലക്കാട് മണ്ഡലത്തില് നിഴല് എംഎല്എയായി തുടരുമെന്ന് ശോഭാ സുരേന്ദ്രന്. അടുത്ത തെരഞ്ഞെടുപ്പില് സംസ്ഥാനത്തെ മുഖ്യമന്ത്രി ബിജെപിയില് നിന്നായിരിക്കും. ജയിച്ച് അകത്ത് പോയത് ചില്ലറക്കാരല്ല. ബിജെപിയെ സംബന്ധിച്ച് ഇതില്പ്പരം സന്തോഷം ഉണ്ടാകാനില്ലെന്നും അവര് പറഞ്ഞു.
ഒരാള് ഇന്ത്യന് രാഷ്ട്രീയത്തില് മോദിയ്ക്കൊപ്പം ഇരിക്കാന് ഭാഗ്യം ലഭിച്ച മുന്കേന്ദ്രമന്ത്രിയാണ്. കേന്ദ്രമന്ത്രി ആയ ശേഷം പത്തുവര്ഷക്കാലം കഴക്കൂട്ടത്ത് ശ്രദ്ധകേന്ദ്രീകരിച്ച് ജനങ്ങള്ക്ക് അനേകം കാര്യങ്ങള് ചെയ്തു നല്കി വിജയിച്ചു. കഠിനപ്രയത്നം കൊണ്ടാണ് ഗോപന് സാറിന് വിജയമുണ്ടായത്. നേമത്ത് സംസ്ഥാന അധ്യക്ഷനെ മണിച്ചിത്രത്താഴിട്ട് പൂട്ടി താക്കോല് ശിവന്കുട്ടി കൊണ്ടുപോയി. എന്നാല് ആ പൂട്ട് ഞങ്ങള് പൊളിച്ചു- ശോഭാ സുരേന്ദ്രന് പറഞ്ഞു.
