സ്ക്രീനിങ് ടെസ്റ്റ് ജൂണ് 21ന് ദേശീയതലത്തില്
വിശദവിവരങ്ങള് https://mhdadmission.iisertvm.ac.in ല്
മെയ് 25ന് മുമ്പ് ഓണ്ലൈനില് അപേക്ഷിക്കാം
പഠനാവസരം ബയോളജി, കെമിസ്ട്രി, മാത്തമാറ്റിക്സ്, ഫിസിക്സ് വിഷയങ്ങളില്
കേന്ദ്രസര്ക്കാരിന് കീഴിലുള്ള ഇന്ത്യന് ഇന്സ്റ്റിറ്റ്യൂട്ട് ഓഫ് സയന്സ് എഡ്യൂക്കേഷന് ആന്ഡ് റിസര്ച്ച് (ഐസര്) തിരുവനന്തപുരം, വിതുര ഓസ്റ്റിലാരംഭിക്കുന്ന രണ്ട് വര്ഷത്തെ റഗുലര് എംഎസ്സി, ഇന്റഗ്രേറ്റഡ് പിഎച്ച്ഡി പ്രോഗ്രാമുകളില് പ്രവേശനത്തിന് ഓണ്ലൈനില് മേയ് 25 നകം അപേക്ഷിക്കാം. ബയോളജി, കെമിസ്ട്രി, മാത്തമാറ്റിക്സ്, ഫിസിക്സ് വിഷയങ്ങളിലാണ് പഠനാവസരം.
അപേക്ഷാ ഫീസ് 1000 രൂപ. പട്ടികജാതി/വര്ഗ്ഗ വിഭാഗത്തിന് 500 രൂപ മതി.
യോഗ്യത: സയന്സ്/എന്ജിനീയറിങ്/മാത്തമാറ്റിക്സ്/അനുബന്ധ വിഷയങ്ങളില് 60 ശതമാനം മാര്ക്കില്/6.5 സിജിപിഎയില് കുറയാതെ ബിരുദം. പട്ടികജാതി/വര്ഗ്ഗം, ഭിന്നശേഷി വിഭാഗങ്ങളില്പ്പെടുന്നവര്ക്ക് 50% മാര്ക്ക്/5.5 സിജിപിഎ മതിയാകും. അവസാനവര്ഷ ബിരുദ വിദ്യാര്ത്ഥികള്ക്കും വ്യവസ്ഥകള്ക്ക് വിധേയമായി അപേക്ഷിക്കാം. അപേക്ഷാ സമര്പ്പണത്തിനും വിശദവിവരങ്ങള്ക്കും https://mhdadmission.iisertvm.ac.in- സന്ദര്ശിക്കേണ്ടതാണ്.
സെലക്ഷന്: ഐസര് തിരുവനന്തപുരം, ചെന്നൈ, ബെംഗളൂരു, മുംബൈ, ദല്ഹി, ഗുവാഹട്ടി, ഭുവനേശ്വര്, കൊല്ക്കത്ത നഗരങ്ങളില് ജൂണ് 21 ഞായറാഴ്ച നടത്തുന്ന ഒഎംആര് അധിഷ്ഠിത എംഎസ്സി/ഇന്റഗ്രേറ്റഡ് പിഎച്ച്ഡി ഓഫ്ലൈന് സ്ക്രീനിങ് ടെസ്റ്റിന്റെയും ഓണ്ലൈന് അഭിമുഖത്തിന്റെയും അടിസ്ഥാനത്തിലാണ് തെരഞ്ഞെടുപ്പ്. പരീക്ഷാഘടനയും സിലബസും തെരഞ്ഞെടുപ്പ്/പ്രവേശന നടപടിക്രമങ്ങളും വെബ്സൈറ്റിലുണ്ട്.
ഇന്റഗ്രേറ്റഡ് പിഎച്ച്ഡിക്ക് ബന്ധപ്പെട്ട ഡിസിപ്ലിനില് ‘ജാം’/ജെജിഇഇബിഐഎല്എസ് 2026 ല് യോഗ്യത നേടിയവര്ക്ക് ഐസറിന്റെ ഇന്റഗ്രേറ്റഡ് പിഎച്ച്ഡി സ്ക്രീനിങ് ടെസ്റ്റില് പങ്കെടുക്കേണ്ടതില്ല. കൂടുതല് വിവരങ്ങള്ക്കും അപ്ഡേറ്റുകള്ക്കും വെബ്സൈറ്റ് സന്ദര്ശിക്കുക. (ഫോണ്: 0471-2778017, 8070).
