അഹമ്മദാബാദ് : ഗുജറാത്തില്‍ 30 വര്‍ഷമായി ഭരിച്ചിട്ടും ഓരോ തെരഞ്ഞെടുപ്പിലും ഭരണവിരുദ്ധ വികാരത്തെ അതിജീവിച്ച് ബിജെപി. കഴിഞ്ഞ ദിവസം ഗുജറാത്തിലെ ഉംറേത്ത് നിയോജകമണ്ഡലത്തില്‍ നടന്ന നിയമസഭാ തെരഞ്ഞെുപ്പില്‍ ബിജെപി സ്ഥാനാര്ത്ഥി 30000 വോട്ടുകള്‍ക്ക് ജയിച്ചു. ബിജെപിയുടെ ഹര്‍ഷദ് പാര്‍മറാണ് ഈ തിളക്കമാര്‍ന്ന വിജയം കൊയ്തത്.
കോണ്‍ഗ്രസിന്റെ ബൃഹുരാജസിംഹ് ചൗഹാനായിരുന്നു രണ്ടാം സ്ഥാനത്തേക്ക് പിന്തള്ളപ്പെട്ട ഇവിടുത്തെ കോണ്‍ഗ്രസ് സ്ഥാനാര്ത്ഥി.ഹര്‍ഷദ് പാര്‍മര്‍ 85000 വോട്ടുകള്‍ നേടിയപ്പോള്‍ കോണ്‍ഗ്രസ് സ്ഥാനാര്‍ത്ഥിക്ക് ലഭിച്ചത് വെറും 54,757 വോട്ടുകള്‍ മാത്രം.
ഉംറേത്ത് മണ്ഡലത്തിലെ എംഎല്‍എ ആയിരുന്ന ഗോവിന്ദ് പാര്‍മര്‍ ഹൃദ്രോഗം മൂലം മരിച്ചതിനെ തുടര്‍ന്നാണ് ഇവിടെ ഉപതെരഞ്ഞെടുപ്പ് വേണ്ടിവന്നത്.
