ന്യൂദല്ഹി: ഫാസ്റ്റാഗ് ഉപയോഗിക്കുന്നതില് കൂടുതല് കര്ശനമായ നിര്ദേശങ്ങള് ദേശീയപാതാ അതോറിറ്റി പുറപ്പെടുവിച്ചു. വിന്ഡ്ഷീല്ഡില് ശരിയായ രീതിയില് ഘടിപ്പിച്ച ഫാസ്റ്റാഗ് ഒന്നിലധികം വാഹനങ്ങളില് ഉപയോഗിക്കാന് കഴിയില്ല. അതിനാലാണ് ചില ഉപയോക്താക്കള് ടാഗ് കൈയില് പിടിക്കുന്നതെന്ന് കണ്ടെത്തിയിട്ടുണ്ട്.
റേഡിയോ ഫ്രീക്വന്സി ഐഡന്റിഫിക്കേഷന് റീഡറുകള്ക്ക് എളുപ്പത്തില് സ്കാന് ചെയ്യാന് കഴിയുന്ന വിധത്തില് വാഹനത്തിന്റെ വിന്ഡ്ഷീല്ഡില് തന്നെ ഫാസ്റ്റാഗ് ഘടിപ്പിക്കണമെന്ന് ദേശീയപാതാ അതോറിറ്റി. ചില ഉപയോക്താക്കള് ഫാസ്റ്റാഗ് കൈയില് പിടിക്കുന്നതായി കണ്ടെത്തിയതിനെ തുടര്ന്നാണിത്. ഈ മാര്ഗനിര്ദേശം പാലിക്കാത്തപക്ഷം ഫാസ്റ്റാഗ് കരിമ്പട്ടികയില് ഉള്പ്പെട്ടേക്കുമെന്നും അതോറിറ്റി മുന്നറിയിപ്പ് നല്കി.
ടോള് പ്ലാസകളുടെ തടസമില്ലാത്ത പ്രവര്ത്തനത്തിന് വിന്ഡ്ഷീല്ഡില് ഫാസ്റ്റ് ടാഗ് ഒട്ടിക്കുന്നത് പ്രധാനമാമെന്ന് അതോരിറ്റി പറയുന്നു. ചില ഉപയോക്താക്കളെങ്കിലും ടാഗുകള് കൈയില് പിടിക്കുന്നത് ടോള് പ്ലാസകളില് അനാവശ്യ കാലതാമസത്തിന് ഇടയാക്കുന്നുണ്ട്. തടസമില്ലാത്ത വാഹന ഗതാഗതം ഉറപ്പാക്കുന്നതിനും തിരക്ക് കുറയ്ക്കുന്നതിനും ഇത് തടസമാകുന്നുണ്ട്. വിന്ഡ്ഷീല്ഡില് ശരിയായ രീതിയില് ഘടിപ്പിച്ച ഫാസ്റ്റാഗ് ഒന്നിലധികം വാഹനങ്ങളില് ഉപയോഗിക്കാന് കഴിയില്ല. അതിനാലാണ് ചില ഉപയോക്താക്കള് ടാഗ് കൈയില് പിടിക്കുന്നതെന്ന് കണ്ടെത്തിയിട്ടുണ്ടെഅറിയിപ്പില് പറയുന്നു.
