ആലപ്പുഴ: ജീവിതകാലം മുഴുവന് വിവാഹം കഴിക്കാതെ ഒരു വീട്ടില് ഒരുമിച്ച് ജീവിച്ച അഞ്ച് സഹോദരങ്ങളില് അവസാനത്തെ ആളും മരിച്ചു. ഒരു ആയുസ് മൊത്തം ഒരുമിച്ചു കഴിഞ്ഞ സഹോദരങ്ങളില് അവസാനത്തെ കണ്ണിയായിരുന്ന സദന്(74) ആണ് മരിച്ചത്.
തണ്ണീര്മുക്കം സ്വദേശിയായ സദനെ മറ്റാരും ഇല്ലാത്ത വീട്ടില് മരിച്ച നിലയില് ബുധനാഴ്ച സമീപവാസികളാണ് കണ്ടെത്തുന്നത്.നാട്ടുകാര് സ്നേഹത്തോടെ ബാചിലേഴ്സ് ഫാമിലി എന്നായിരുന്നു സദനേയും സഹോദരങ്ങളെയും വിളിച്ചിരുന്നത്. സുമന്, രാധാമണി, കാര്ത്തികേയന്, വിജയമ്മ എന്നീ സഹോദരങ്ങള് നേരത്തേ മരിച്ചു. ഒന്നര വര്ഷത്തിനിടയിലായിരുന്നു സഹോദരങ്ങളുടെ മരണം. ഇതോടെ സദന് ഒറ്റയ്ക്കായിരുന്നു വീട്ടില് ജീവിച്ചത്.
തങ്ങള്ക്ക് താങ്ങും കൂട്ടിനുമായി മറ്റാരും വേണ്ടെന്ന് തീരുമാനിച്ച് വിവാഹം വേണ്ടെന്ന് വച്ചവരായിരുന്നു അഞ്ച് സഹോദരങ്ങളും.
ചുമര് ചിത്രകാരനും പ്രഭാഷകനുമായിരുന്നു സദന്. അവസാനകാലത്ത് ഞെട്ടയില് ക്ഷേത്രത്തില് നിന്നാണ് ഭക്ഷണം കഴിച്ചിരുന്നത്.
