കൊച്ചി: കുന്നത്തുനാട്ടില് പാര്ട്ടിയുടെ കണക്കില് താന് 6000 വോട്ടിന് പിന്നിലാണെന്ന് വെളിപ്പെടുത്തി ഇടതുമുന്നണി സ്ഥാനാര്ത്ഥി പി വി ശ്രീനിജിന്.എന്നാല് വ്യക്തിപരമായ വോട്ടുകള് സമാഹരിച്ച് 554 വോട്ടുകള്ക്ക് മുകളില് നേടി ജയിക്കുമെന്നും ശ്രീനിജിന് പറഞ്ഞു.
തനിക്ക് വ്യക്തിപരമായി ലഭിച്ച വോട്ടുകള് കൊണ്ടും മണ്ഡലത്തില് കഴിഞ്ഞ അഞ്ച് വര്ഷം ചെയ്ത വികസന പ്രവര്ത്തനങ്ങള് കൊണ്ടും വിളിച്ചാല് വിളിപ്പുറത്തുള്ള എംഎല്എ എന്ന നിലയിലും കുന്നത്തുനാട് തന്നെ വിജയിപ്പിക്കും എന്നാണ് ശ്രീനിജിന്റെ വിശ്വാസം. തെരഞ്ഞെടുപ്പ് കഴിഞ്ഞ സമയത്ത് കോണ്ഗ്രസ് മാത്രമാണ് എതിരാളിയെന്നാണ് അദ്ദേഹം പറഞ്ഞത്.ട്വന്റി ട്വന്റി എതിരാളി അല്ല എന്നാണ് ശ്രീനിജിന് പറഞ്ഞത്.
എന്നാല് കുന്നത്തുനാട്ടില് ത്രികോണ മത്സരം നടന്നുവെന്ന് ശ്രീനിജിന് ഇപ്പോള് സമ്മതിക്കുന്നു. എന്ഡിഎക്കൊപ്പം ചേര്ന്ന് ട്വന്റി ട്വന്റിയും യുഡിഎഫും സിപിഎമ്മും ശക്തമായ മത്സരം നടന്നിട്ടുണ്ട്. എന്ഡിഎയില് ചേര്ന്നതോടെ ട്വന്റി ട്വന്റി ദുര്ബലമായി. എന്നാല് സാബു എം ജേക്കബിന് ശക്തി ഉണ്ടായെന്നും ശ്രീനിജിന് പറഞ്ഞു.
