വളര്‍ത്തുനായയെ കുളിപ്പിക്കാന്‍ ഗംഗാനദി , പരിശുദ്ധ ഗംഗയെ മലിനമാക്കരുതെന്ന് പറഞ്ഞ ഹിന്ദു ഭക്തര്‍ക്കെതിരെ കലിതുള്ളി സ്ത്രീയും ഭര്‍ത്താവും

ഹരിദ്വാര്‍: വളര്‍ത്തുനായയെ ഗംഗാനദിയില്‍ കുളിപ്പിക്കാന്‍ കൊണ്ടുവന്ന് പരിഷ്കാരികളായ ഭാര്യയും ഭര്‍ത്താവും. അവര്‍ നായയെ പരിശുദ്ധഗംഗയില്‍ കുളിപ്പിക്കുന്നത് കണ്ട ഹിന്ദുവിശ്വാസികളായ ചിലര്‍ അവരെ വിലക്കാന്‍ ശ്രമിച്ചു. ഉത്തരാഖണ്ഡിലെ ഹരിദ്വാറിലെ ശ്രദ്ധാനന്ദഘട്ടിലായിരുന്നു ഈ സംഭവം.

A so called animal lover woman was bathing her dog on ganga ghat where humans were also taking dip in holy river.

Despite warnings by even local priest, she didn't stop & started argument with people.

Woke ideology is destroying this country.. pic.twitter.com/H7QaBScqaz

— Frontalforce 🇮🇳 (@FrontalForce) May 1, 2026

പിന്നെ കണ്ടത് ഭാര്യയും ഭര്‍ത്താവും ഒരേ സ്വരത്തില്‍ ഹിന്ദു ഭക്തരോട് തട്ടിക്കയറുന്നതാണ്. ഭക്തര്‍ ഒരു ചടങ്ങിന്റെ ഭാഗമായി ഈ ഘട്ടില്‍ സ്നാനം ചെയ്യാന്‍ എത്തിയപ്പോഴാണ് പരിഷ്കാരികളെന്ന് തോന്നിക്കുന്ന ഭാര്യയുടെയും ഭര്‍ത്താവിന്റെയും ഈ പ്രവൃത്തി കണ്ടത്.. ഒരു ഹിന്ദു പുരോഹിതനും സ്ത്രീയോട് നായയെ ഗംഗയുടെ പടവില്‍ കുളിപ്പിക്കരുതെന്ന് വിലക്കിയെങ്കിലും സ്ത്രീ വഴങ്ങിയില്ല. ഇതിന്റെ വീഡിയോ ഇപ്പോള്‍ വൈറലായി പ്രചരിക്കുകയാണ്. വീഡിയോയില്‍ നായയെ സ്ത്രീ കുളിപ്പിക്കുന്നത് കാണാം. മറ്റുള്ളവര്‍ എതിര്‍പ്പുമായി വരുമ്പോള്‍ അവരോട് സ്ത്രീ തട്ടിക്കയറുന്നതും കാണാം. സ്ത്രീ അധിക്ഷേപിക്കുന്ന ഭാഷയാണ് ഉപയോഗിച്ചതെന്നും പറയുന്നു. താന്‍ ഏതോ മന്ത്രിയുടെ ഓഫീസുമായി അടുത്ത ബന്ധമുള്ളയാളാണെന്നും സ്ത്രീ പറയുന്നത് കേള്‍ക്കാം.

ആചാരത്തിന്റെ ഭാഗമായി അവിടെയെത്തുന്ന ഭക്തര്‍ക്ക് മനോവിഷമം ഉണ്ടാക്കുന്നതാണ് ഈ പ്രവൃത്തി എന്നായിരുന്നു ഹിന്ദു ഭക്തര്‍ സ്ത്രീയോട് വിശദീകരിക്കാന്‍ ശ്രമിച്ചത്. പക്ഷെ ഫലമുണ്ടായില്ല. പാപങ്ങള്‍ കഴുകിക്കളയാനും പ്രഭാത സായാഹ്ന ആരതിയ്‌ക്കും ഇലയില്‍ തിരി കത്തിച്ച് ഒഴുക്കിവിടാനുമാണ് ഹിന്ദു ഭക്തര്‍ അധികമായും ഗംഗാനദിയുടെ ഘട്ടുകളില്‍ എത്തുന്നത്. ഗംഗാ ആരതിയുടെ ഭാഗമായി പുണ്യജലത്തില്‍ ഇറങ്ങിനിന്ന് മന്ത്രങ്ങള്‍ ഉരുവിടും. ചിലപ്പോള്‍ മരണപ്പെട്ടവരുടെ വിഭൂതി ഒഴുക്കിവിടാറുമുണ്ട്. മരണപ്പെട്ടവരുടെ അന്ത്യകര്‍മ്മങ്ങളും ഗംഗയുടെ തീരത്ത് പുരോഹിതരുടെ കാര്‍മ്മികത്വത്തില്‍ നടത്താറുണ്ട്.

ഇതേക്കുറിച്ച് ധാരാളം ചര്‍ച്ചകളും സോഷ്യല്‍ മീഡിയയില്‍ നടക്കുകയാണ്. ഇതാണ് ഹിന്ദുത്വത്തെ നശിപ്പിക്കാന്‍ ശ്രമിക്കുന്ന യുക്തിവാദികളുടെയും എന്‍ജിഒകളുടെയും ലിബറലുകളുടെയും കമ്മികളുടെയും ആസൂത്രിത പതിവ് തന്ത്രം. ആദ്യം ഹിന്ദു വിശ്വാസത്തെ നാറ്റിക്കുന്ന ഒരു പ്രശ്നം സൃഷ്ടിക്കുക. പിന്നീട് അത് ചര്‍ച്ചയാക്കുക. ഇവിടെയും അതാണ് സംഭവിച്ചത്. “നായയെ വിഗ്രഹമായി വരെ ഹിന്ദുക്കള്‍ ആരാധിക്കുന്നുണ്ട്. പിന്നെ ഒരു നായയെ കുളിപ്പിച്ചാല്‍ എന്താണ് പ്രശ്നം? ഗംഗാനന്ദി ഒഴുകിക്കൊണ്ടിരിക്കുകയല്ലേ, പിന്നെ നായയെ കുളിപ്പിച്ചാല്‍ യാതൊരു പ്രശ്നവുമില്ല. “- ഇതുപോലുള്ള കമന്‍റുകളുടെ ലക്ഷ്യം എന്താണെന്ന് പറയേണ്ടതില്ലല്ലോ?

ഇതിന് പിന്നില്‍ എന്തെങ്കിലും ഗൂഢാലോചനയുണ്ടോ ഏതെങ്കിലു‍ം സോഷ്യല്‍ മീഡിയ ഇന്‍ഫ്ലൂവന്‍സറുടെ ഭാരതത്തെ നാറ്റിക്കാനുള്ള കണ്ടന്‍റ് ക്രിയേറ്റ് സൃഷ്ടിക്കാനുള്ള ശ്രമത്തിന്റെ ഭാഗമാണോ ഇത് എന്നെല്ലാം അന്വേഷിക്കുന്നുണ്ട്. ഇപ്പോള്‍ ഭാരതം വിശുദ്ധമായി കാണുന്നതിനെ എല്ലാം മലിനമാക്കാനുള്ള ശ്രമം വിദേശ ഫണ്ട് വാങ്ങി പല എന്‍ജിഒകളും ഇന്ത്യയില്‍ ആസൂത്രിതമായി ചെയ്തുവരികയാണ്. ഇതും അക്കൂട്ടത്തില്‍പ്പെട്ട കണ്ടന്‍റ് ക്രിയേഷന്റെ ശ്രമമാണോ എന്ന് കണ്ടറിയേണ്ടിയിരിക്കുന്നു.