കോട്ടയം: കേന്ദ്രസര്ക്കാരിന്റെ കീഴിലുള്ള ഡീംഡ് സര്വ്വകലാശാലയായ ഇന്ത്യന് ഇന്സ്റ്റിറ്റ്യൂട്ട് ഓഫ് മാസ് കമ്മ്യൂണിക്കേഷന്റെ (ഐഐഎംസി) കോട്ടയം ക്യാമ്പസ് നടത്തുന്ന ഏകവര്ഷ മലയാളം ജേര്ണലിസം പോസ്റ്റ് ഗ്രാജുവേറ്റ് ഡിപ്ലോമ കോഴ്സിലേക്ക് അപേക്ഷിക്കാനുള്ള അവസാന തീയതി മെയ് 18 വരെ നീട്ടി. ബിരുദമാണ് അടിസ്ഥാന യോഗ്യത. പരീക്ഷാഫലം കാത്തിരിക്കുന്നവര്ക്കും അപേക്ഷിക്കാം. പൊതുവിഭാഗത്തില് അപേക്ഷകന് 25 വയസ് (ഓഗസ്റ്റ് ഒന്നിന്) കവിയരുത്. കോട്ടയത്ത് പാമ്പാടിയിലുള്ള ക്യാമ്പസില് മെയ് 23ന് പ്രവേശന പരീക്ഷ നടക്കും.
ജനറല് വിഭാഗത്തിന് 800 രൂപയാണ് ഫീസ്. സംവരണ വിഭാഗത്തില്പ്പെട്ടവര്ക്കുള്ള ഫീസ് വിവരങ്ങള് വെബ്സൈറ്റില് ലഭ്യമാണ്. മെയ് 26ന് ഫലം പ്രഖ്യാപിക്കും. അപേക്ഷഫോറത്തിനും, വിശദ വിവരങ്ങള്ക്കും www.iimc.gov.in എന്ന വെബ്സൈറ്റ് സന്ദര്ശിക്കുകയോ, കോട്ടയം പാമ്പാടിയിലുള്ള ഐഐഎംസി കാമ്പസ് സന്ദര്ശിക്കുകയോ ചെയ്യുക. https://forms.gle/juLE8R8MVswaBJhb8 എന്ന ലിങ്ക് വഴിയും അപേക്ഷകള് സമര്പ്പിക്കാവുന്നതാണ്.
[email protected] എന്ന മെയിലിലേക്കും ബന്ധപ്പെട്ട രേഖകള് സഹിതമുള്ള അപേക്ഷകള് അയക്കാം. കോട്ടയം കാമ്പസിലെ 0481 2502520, 9188941831, 9744838575, 8075511931എന്നീ നമ്പറുകളില് ബന്ധപ്പെടാം.
