കൊച്ചി: കേരളത്തിലെ നിയമസഭാ തെരഞ്ഞെടുപ്പിന് മുന്നോടിയായി നടത്തിയ എക്സിറ്റ് പോള് പ്രവചനങ്ങളില് ഒരേ സ്വരത്തില് എല്ലാവരും പറയുന്നു: ‘കേരളത്തില് താമര വിരിയും’. ബിജെപി നിര്ണ്ണായക ശക്തിയാകുമെന്നും സര്വ്വേ ഫലങ്ങള് ചൂണ്ടിക്കാട്ടുന്നു. കേരളത്തില് ബിജെപിയെ നയിച്ച രാജീവ് ചന്ദ്രശേഖറിന്റെ നേതൃത്വത്തെ ഉയര്ത്തിപ്പിടിക്കുന്നതാണ് ഈ എക്സിറ്റ് പോള് ഫലങ്ങള്.
ചില സര്വ്വേകളില് ഏഴ് സീറ്റുകള് വരെ ബിജെപിയ്ക്ക് പ്രവചിക്കുന്നു. ഇന്ത്യാ ടുഡേ,ആക്സിസ് മൈ ഇന്ത്യ, സിഎന്എന്-ന്യൂസ് 18, എന്ഡിടിവിയുടെ ആക്സിസ് മൈ ഇന്ത്യ, മാട്രിസ് തുടങ്ങിയ ഏജന്സികളുടെ എക്സിറ്റ് പോള് ഫലങ്ങള് ബിജെപിയുടെ വിജയം പ്രവചിക്കുന്നു. ബിജെപി പരമാവധി 7 സീറ്റുകള് വരെ നേടാന് സാധ്യതയുണ്ടെന്നും പ്രവചിക്കുന്നു. എല്ലാ എക്സിറ്റ് പോളുകളും യുഡിഎഫിന് അനുകൂലമായ ട്രെന്ഡാണ് പ്രവചിക്കുന്നത്. അതേ സമയം ഇരുമുന്നണികളും തമ്മില് സീറ്റിന്റെ കാര്യത്തില് വലിയ അന്തരമുണ്ടാവില്ലെന്നും എക്സിറ്റ് പോള് പറയുന്നു.
യുഡിഎഫ് 78 മുതല് 90 വരെ സീറ്റുകള് നേടി അധികാരത്തിലെത്തുമെന്നാണ് ഇന്ത്യാ ടുഡേ ആക്സിസ് മൈ ഇന്ത്യ പ്രവചനം. എല്ഡിഎഫിന് 49 മുതല് 62 സീറ്റുകളാണ് ഇന്ത്യാ ടുഡേ Axis My India പ്രവചനം. ബിജെപി മൂന്ന് വരെ സീറ്റുകള് നേടുമെന്നും Axis My India പ്രവചിക്കുന്നു.
യുഡിഎഫ് 70 മുതല് 80 വരെ സീറ്റുകള് നേടി സര്ക്കാര് രൂപീകരിക്കുമെന്നാണ് CNN-News18 എക്സിറ്റ് പോള് പ്രവചനം. എല്ഡിഎഫ് 58 മുതല് 68 വരെ സീറ്റ് നേടുമെന്നും ബിജെപിക്ക് നാല് വരെ സീറ്റ് നേടുമെന്നും CNN-News18 പ്രവചിക്കുന്നു.
എന്ഡിടിവിയുടെ ആക്സിസ് മൈ ഇന്ത്യ എക്സിറ്റ് പോള് പ്രകാരം കേരളത്തില് യുഡിഎഫ് ട്രെന്ഡ് പ്രവചിക്കുന്നു. 75 മുതല് 85 സീറ്റുകള് വരെ യുഡിഎഫിന് ലഭിക്കുമെന്നാണ് എന്ഡിടിവി എക്സിറ്റ് പോള് പ്രചവിക്കുന്നത്. എല്ഡിഎഫിന് 55 മുതല് 65 സീറ്റുകള് വരെയാണ് പ്രവചിക്കുന്നത്. ബിജെപിയ്ക്ക് മൂന്ന് സീറ്റുകള് വരെ ലഭിച്ചേക്കുമെന്നും പ്രവചിക്കുന്നു.
യുഡിഎഫ് 70 സീറ്റിന് മുകളില് നേടി അധികാരത്തിലെത്തുമെന്നാണ് മാട്രിസ് എക്സിറ്റ് പോളും പ്രവചിക്കുന്നത്. യുഡിഎഫിന് 75 മുതല് 85 സീറ്റ് വരെ പ്രവചിക്കുമ്പോള് എല്ഡിഎഫിന് 60മുതല്65 സീറ്റുകള് വരെയും ബിജെപിക്ക് മൂന്ന് മുതല് അഞ്ച് സീറ്റുകള് വരെയും Matrize പ്രവചിക്കുന്നു.
