മാഡ്രിഡ്: റയല് മാഡ്രിഡിന്റെ ഫ്രഞ്ച് സൂപ്പര് താരം കിലിയന് എംബാപ്പെയ്ക്ക് പരിക്ക്. വെള്ളിയാഴ്ച റയല് ബെറ്റിസിനെതിരായ മത്സരത്തില് ഇടത് കാല്ത്തുടയിലെ പിന്പേശിക്കേറ്റ പരിക്കാണ് റയല് മഡ്രിഡ് സ്ട്രൈക്കര് എംബാപ്പയ്ക്ക് വിനയായത്.
റയല് ബെറ്റിസിനോട് സമനില വഴങ്ങിയ മത്സരത്തിന്റെ 82-ാം മിനിറ്റില് എംബാപ്പെയെ കോച്ച് തിരികെ വിളിക്കുകയായിരുന്നു. ഇതോടെ മെയ് 10ന് നടക്കുന്ന എല് ക്ലാസിക്കോ പോരാട്ടത്തില് എംബാപ്പെയുടെ സേവനം റയലിനു ലഭിക്കുമോ എന്ന കാര്യത്തില് സംശയമായി. ലീഗില് ഏറെക്കുറെ കിരീടമുറപ്പിച്ച ബാഴ്സയ്ക്കെതിരേ ഒരു വിജയം പോലും റയലിന് ആശ്വാസമാകുമെന്നിരിക്കേ എംബാപ്പെയുടെ പരിക്ക് റയല് ക്യാമ്പിനെ ആശങ്കപ്പെടുത്തുന്നുണട്്. ബാഴ്സയുടെ തട്ടകമായ ക്യാംപ് നൗവിലാണ് ബാഴ്സ- റയല് പോരാട്ടം. ലാലിഗയില് അഞ്ചു കളി ബാക്കിനില്ക്കെ റയലിനെക്കാള് 11 പോയിന്റ് മുന്നിലാണ് ബാഴ്സലോണ.
പരിക്കുമായി ബന്ധപ്പെട്ട അപ്ഡേറ്റ്സ് ഇതുവരെ റയല് മാനേജ്മെന്റ് പുറത്തുവിട്ടിട്ടില്ല. രണ്ടാഴ്ചയെങ്കിലും വിശ്രമം വേണ്ടിവരുമെന്ന സൂചനയാണുള്ളത്. പരിക്ക് വഷളാകാതിരിക്കാനുള്ള നിര്ദേങ്ങള് ഫ്രഞ്ച് മാനേജ്മെന്റ് എംബാപ്പെയ്ക്ക് നല്കിയതായാണ് വിവരം.
