കോഴിക്കോട്: മേപ്പയൂരില്‍ റോഡ് തടസപ്പെടുത്തിയുള്ള വിവാഹ ആഘോഷത്തില്‍ മോട്ടോര്‍ വാഹന വകുപ്പിന്റെ നടപടി.വിഡിയോയിലുള്ള മുഴുവന്‍ വാഹനങ്ങളും ബുധനാഴ്ച രാവിലെ ആര്‍ടിഒ ഓഫീസില്‍ ഹാജരാക്കണമെന്ന് നിര്‍ദേശം നല്‍കി .നിരവധി വാഹനങ്ങളിലായി കാറിനു മുകളില്‍ കയറിയും ഡോര്‍ തുറന്നു പിടിച്ചുമായിരുന്നു ആഘോഷയാത്ര.
വാഹനങ്ങള്‍ ഹാജരാക്കിയില്ലെങ്കില്‍ കടുത്ത നടപടി എടുക്കുമെന്ന് മോട്ടോര്‍ വാഹനവകുപ്പ് ഉദ്യോഗസ്ഥര്‍ അറിയിച്ചു.കഴിഞ്ഞ ദിവസമാണ് മേപ്പയൂര്‍ മഞ്ഞക്കുളത്ത് നരക്കോട് സ്വദേശികളുടെ വിവാഹത്തോടനുബന്ധിച്ച് റോഡില്‍ ഗതാഗത തടസമുണ്ടാക്കി യാത്ര നടന്നത്.
വാഹനങ്ങള്‍ റോഡില്‍ നിര്‍ത്തിയിട്ടുള്ള യാത്ര മറ്റ് യാത്രക്കാര്‍ക്ക് ഗതാഗത തടസം ഉണ്ടാക്കിയെന്ന് നാട്ടുകാര്‍ പറഞ്ഞു.വാഹനങ്ങളുടെ വിവരങ്ങള്‍ നാട്ടുകാര്‍ പൊലീസിന് കൈമാറി.
