ന്യൂദല്‍ഹി: സ്വാമി ലക്ഷ്മണാനന്ദ സരസ്വതി വിശ്വഹിന്ദു പരിഷത്ത് (വിഎച്ച്പി) നേതാവാണ്. ഒഡിഷയിലെ കാണ്ഡമാല്‍ ജില്ലയിലെ ജാലസ്പേട്ടയിലാണ് സ്വാമിയുടെ ആശ്രമം. ഹൈന്ദവതയ്‌ക്ക് വേണ്ടി ഉറക്കെ സംസാരിക്കുന്നയാളാണ് സ്വാമി ലക്ഷ്മണാനന്ദ സരസ്വതി.
ഒരു രാത്രിയാണ് സ്വാമിയെ ഒരു സംഘം മാവോയിസ്റ്റുകള്‍ കൊലപ്പെടുത്തിയത്. സ്വാമിയെ മാത്രമല്ല, കൂടെയുള്ള നാല് ശിഷ്യന്മാരെയും കൊന്നു. 2008 ഓഗസ്റ്റ് 23 നായിരുന്നു ഇന്ത്യയെ ഞെട്ടിച്ച ഈ കൊലപാതകം. 82 വയസ്സുള്ള സ്വാമി ലക്ഷ്മണാനന്ദ സരസ്വതിയെയും അദ്ദേഹത്തിന്റെ നാല് ശിഷ്യന്മാരെയും മുഖംമൂടി ധരിച്ചെത്തിയ തോക്കുധാരികള്‍ അതിക്രൂരമായാണ് വെടിവെച്ച് കൊലപ്പെടുത്തുകയായിരുന്നു. . ജാലസ്‌പേട്ടയിലെ ആശ്രമത്തിൽ ജന്മാഷ്ടമി ആഘോഷങ്ങൾക്കിടെയാണ് ഈ ക്രൂരമായ കൊലപാതകം നടന്നത്.
പിന്നീട് പൊലീസ് നടത്തിയ അന്വേഷണത്തില്‍ ഈ കൊലപാതകത്തിന്റെ ചുരളഴിഞ്ഞു. മാവോയിസ്റ്റുകളായിരുന്നു ഈ മുഖംമൂടി ധരിച്ചെത്തിയ കൊലപാതകികള്‍. ഇവര്‍ സ്വാമിയെയും ശിഷ്യരെയും കൊന്നത് എന്തിനെന്നോ?ക്രൈസ്തവ മിഷണറിമാരുടെ നിര്‍ദേശപ്രകാരമായിരുന്നു ഈ കൊലപാതകം എന്നാണ് കണ്ടെത്തിയത്.
ക്രൈസ്തവമിഷണറിമാര്‍ സ്വാമിയേയും ശിഷ്യരേയും വധിക്കാന്‍ മാവോയിസ്റ്റുകള്‍ക്ക് ക്വട്ടേഷന്‍ കൊടുക്കണമെങ്കില്‍ എന്ത് തെറ്റായിരിക്കും സ്വാമി ചെയ്തിരിക്കുക?വിദേശപ്പണം കൈപ്പറ്റി ക്രൈസ്തവ സംഘടനകള്‍ നടത്തുന്ന മതംമാറ്റത്തെ എതിര്‍ത്തതാണ് സ്വാമി ലക്ഷ്മണാനന്ദയെയും ശിഷ്യരെയും ക്രൈസ്തവ മിഷണറിമാരുടെ കണ്ണിലെ കരടാക്കി മാറ്റിയത്. അതിക്രൂരമായാണ് സ്വാമി ലക്ഷമണാനന്ദെയും നാല് ശിഷ്യരേയും മാവോയിസ്റ്റുകള്‍ കൈസ്തവമിഷണറിമാരുടെ നിര്‍ദേശപ്രകാരം കൊലപ്പെടുത്തിയത്.
കൊലപാതകികള്‍ക്ക് ജീവപര്യന്തം
ഈ കൊലപാതകത്തിന് പിന്നില്‍ പ്രവര്‍ത്തിച്ച മാവോയിസ്റ്റുകളെ പിടികൂടി. ഇതില്‍ പുലരി രാമറാവു എന്ന മാവോയിസ്റ്റിന്റെ പക്കല്‍ നിന്നും സ്വാമിയെ വധിക്കാന്‍ ഉപയോഗിച്ച തോക്ക് കണ്ടെത്തി. മാവോയിസ്റ്റ് നേതാവ് സബ്യസാചി പാണ്ഡ ഉള്‍പ്പെടെ ഏതാനും പേര്‍ ഒളിവിലാണ് ഇപ്പോഴും.
ഇന്ത്യയുടെ ചുവന്ന ഇടനാഴി
ഒഡിഷയുടെ ഗോത്രവര്‍ഗ്ഗക്കാരുടെ പ്രദേശങ്ങള്‍ ചുവന്ന ഇടനാഴി എന്നാണ് അറിയപ്പെടുന്നത്. കാരണം മാവോയിസ്റ്റുകളുടെ ചെങ്കോട്ടയാണ് ഇവിടം. ഒരു ഈച്ചയ്‌ക്ക് പോലും അകത്തുകടക്കാനാവാത്ത ചെങ്കോട്ട. ഈ മാവോയിസ്റ്റുകള്‍ എല്ലാം ക്രിസ്ത്യന്‍ മതത്തിലേക്ക് പരിവര്‍ത്തനം ചെയ്യപ്പെട്ട ഗോത്രവര്‍ഗ്ഗക്കാര്‍ തന്നെയാണെന്നതാണ് സത്യം. ക്രിസ്ത്യന്‍ മിഷണറിമാരുടെ തണലില്‍ മാവോയിസവും മാവോയിസത്തിന്‍രെ തണലില്‍ ക്രിസ്ത്യന്‍ മതവും ഇവിടെ പടര്‍ന്നുപന്തലിച്ചു.
