തിരുവനന്തപുരം: ഒരു സീറ്റുപോലും ജയിക്കാതിരിക്കാന് ഇടത് മുന്നണിയും വലതുമുന്നണിയും ആവുന്നതൊക്കെ ചെയ്തു. ഡീലെന്ന ആരോപണം ബിജെപിക്കെതിരെ ഇരു മുന്നണികളും തരാതരം പോലെ പ്രയോഗിച്ചതിന്റെ തെളിവുകള് ഓരോന്നായി പുറത്തുവന്നുകൊണ്ടിരിക്കുന്നു. ബിജെപി ഒരു സീറ്റില്പോലും ജയിക്കില്ലെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദനും വി.ഡി. സതീശനും കെ. മുരളീധരനും മുഖ്യമന്ത്രി പിണറായി വിജയനും പ്രസ്താവിച്ചത് ഇതിന്റെ തെളിവാണ്. എന്നാല് ഇരു മുന്നണികളും പ്രയോഗിച്ച തന്ത്രങ്ങള് തന്നെ തിരിച്ചടിയായി.
തിരുവനന്തപുരം ജില്ലയില് കഴക്കൂട്ടം, കാട്ടാക്കട, നെയ്യാറ്റിന്കര, നേമം, വട്ടിയൂര്ക്കാവ്, തിരുവനന്തപുരം, ആറ്റിങ്ങള് മണ്ഡലങ്ങളിലാണ് ഇരുമുന്നണികളും പരസ്പരം വോട്ടു മറിക്കല് പ്രയോഗിച്ചത്. കോട്ടയത്ത് പാലായും ഏറ്റുമാനൂരും പത്തനംതിട്ടയില് തിരുവല്ലയും ആറന്മുളയും കോന്നിയും ആലപ്പുഴയില് പല മണ്ഡലങ്ങളിലും ഈ പരീക്ഷണം നടത്തുകയുണ്ടായി. തൃശൂരില് ഗുരുവായൂരും തൃശൂര് നഗരത്തിലും പാലക്കാട് മലമ്പുഴ, കോഴിക്കോട്, കണ്ണൂര് ജില്ലകളിലും പരീക്ഷിക്കപ്പെട്ട മണ്ഡലങ്ങള് പെടുന്നു.
കാസര്കോട് ജില്ലയില് മൂന്നു മണ്ഡലങ്ങളിലാണ് പരസ്പരം വോട്ടു മറിക്കല് പരീക്ഷിച്ചത്. ഇതില് മഞ്ചേശ്വരം, കാസര്കോട്, ഉദുമ മണ്ഡലങ്ങള് പെടുന്നു.
ഈ തന്ത്രങ്ങള് പലതും പാളി എന്നാണ് ഏറ്റവും ഒടുവില് സിപിഎം-കോണ്ഗ്രസ് മുന്നണികള് കണക്കുകൂട്ടുന്നത്. പല സ്ഥലങ്ങളിലും ബിജെപി ജയിച്ചു കേറുമെന്നാണ് സിപി
എം വിലയിരുത്തുന്നത്. മെയ് നാലിന് പെട്ടി തുറന്ന് ഉച്ചയ്ക്കു മുമ്പേ ഫലം അറിയാന് കഴിയും.
ജന്മഭൂമി ഓണ്ലൈന്