തൃശൂര്:ഗുരുവായൂരില് നടപ്പാതയില് കിടന്നുറങ്ങിയ ആളെ അടിച്ചുകൊന്ന കേസില് പ്രതി അറസ്റ്റില്. കുന്നംകുളം പന്തല്ലൂര് സ്വദേശി പന്തല്ലൂര് വീട്ടില് ഷണ്മുഖന് ആണ് പിടിയിലായത്.
ഇടുക്കി കട്ടപ്പന കിഴക്കത്തി വീട്ടില് ധനേഷ് കുമാറിന്റെ കൊലപാതക കേസിലാണ് അറസ്റ്റ്. കഴിഞ്ഞ ഒമ്പതിനാണ് സംഭവം ഉണ്ടായത്.
പിറ്റേന്ന് രാവിലെ ധനേഷ് മരിച്ചുകിടക്കുന്നത് കണ്ട് പൊലീസ് എത്തി മൃതദേഹം പോസ്റ്റ്മോര്ട്ടത്തിന് അയച്ചു.മേഖലയിലെ സിസിടിവി ക്യാമറകള് കേന്ദ്രീകരിച്ച് നടത്തിയ അന്വേഷണത്തില് പ്രതിയെ തിരിച്ചറിഞ്ഞു. രാത്രി ഭക്ഷണം കഴിക്കാന് പണം ചോദിച്ചത് നല്കാത്തതിലുള്ള വൈരാഗ്യമാണ് കൊലപാതക കാരണമെന്ന് പ്രതി പൊലീസിന് മൊഴി നല്കി.
അറസ്റ്റ് ചെയ്ത പ്രതിയെ കോടതിയില് ഹാജരാക്കി റിമാന്ഡ് ചെയ്തു. രാത്രി റോഡരികില് കിടക്കുന്നവരെ അടിച്ചു കൊലപ്പെടുത്തുന്ന മാനസിക വൈകല്യമുള്ള ആളാണ് പ്രതിയെന്ന് പൊലീസ് പറഞ്ഞു. ഇയാള്ക്കെതിരെ കുന്നംകുളത്തും സമാനമായ കേസുകള് ഉണ്ടെന്നും പൊലീസ് അറിയിച്ചു.
