ലണ്ടന്: ലോകത്ത് ഏറ്റവും കൂടുതൽ കാലം ജീവിക്കുന്ന സസ്തനികളാണ് തിമിംഗലങ്ങള്. അതില് ബോഹെഡ് (Bowhead) എന്നറിയപ്പെടുന്ന തിമിംഗലങ്ങൾക്കാണ് ഈ ദീര്ഘായുസ്സ്.. ഇവയ്ക്ക് 200 വർഷംവരെ ജീവിക്കാനാകും.
ശരീരത്തിലുള്ള .പ്രത്യേക പ്രോട്ടീനുകളാണ് ഇവയുടെ ദീർഘായുസ്സിന്റെ രഹസ്യം. എന്നാൽ, ഇതേ പ്രോട്ടീനുകൾ ഉപയോഗിച്ച് മനുഷ്യായുസ്സ് ദീർഘിപ്പിക്കാൻ കഴിഞ്ഞേക്കുമെന്നാണ് പുതിയ പഠനങ്ങള് പറയുന്നത്. സിഐആര്ബിപി (CIRBP) എന്ന പ്രോട്ടീനാണ് ബോഹെഡ് തിമിംഗലങ്ങള്ക്ക് ദീര്ഘായുസ്സ് നല്കുന്നത്. ഈ പ്രോട്ടീന് മനുഷ്യനുള്ളതിനേക്കാള് നൂറിരട്ടി അധികമാണ് ബോഹെഡ് തിമിംഗലങ്ങളില്.
മൈനസ് സീറോ തണുപ്പുള്ള ആര്ടിക് മേഖലയിലാണ് ഈ തിമിംഗലങ്ങള്വസിക്കുന്നത്. ഇവിടുത്തെ കടുത്ത തണുപ്പാണ് ഇവയുടെ ശരീരത്തില് പ്രോട്ടീന് അധികമാകാന് കാരണം. മനുഷ്യന് എന്തായാലും ഇത്രയും തണുപ്പില് ജീവിക്കാന് കഴിയില്ല. പകരം ജീവിത ശൈലി മാറ്റിക്കൊണ്ട് ഈ പ്രോട്ടീന് വര്ധിപ്പിക്കാന് കഴിയുമോ എന്നാണ് ചിന്തിക്കുന്നത്.
ഇതോടെ ഇത് വേണമോയെന്ന രീതിയില് സമൂഹമാധ്യമങ്ങളില് അതിരൂക്ഷ പരിഹാസങ്ങള് ഉയരുന്നു. ഇപ്പോള് തന്നെ മനുഷ്യന്റെ ആര്ത്തി മൂലം ഓസോണ് പടലങ്ങള്ക്ക് വിള്ളല് വീണു, ഭൂമി കത്തുന്ന ചൂടിലേക്ക് നീങ്ങിയിരിക്കുന്നു. ഇനി മനുഷ്യന് 200 വര്ഷം ആയുസ്സുനല്കിയാല് എന്താകും എന്ന ചോദ്യമാണ് പലരും ഉയര്ത്തുന്നത്.
