പാലക്കാട്: തൃശൂര്‍, കണ്ണൂര്‍ ജില്ലകളില്‍ തെരുവുനായ ആക്രമണത്തില്‍ കുട്ടികള്‍ക്ക് പരിക്കേറ്റു. തൃശൂര്‍ ദേശമംഗലത്ത് നാലു വയസുകാരനെ തെരുവ് നായ കടിച്ചു.പാലക്കാട് -തൃശൂര്‍ അതിര്‍ത്തിയിലെ ദേശമംഗലം ഈസ്റ്റ് പല്ലൂര്‍ നമ്പ്രം പ്രദേശത്താണ് സംഭവം.പൂവാരത്തുടി വീട്ടില്‍ മുസ്തഫയുടെ മകന്‍ മുഹമ്മദ് ലാസിലിനെ വീട്ട് മുറ്റത്ത് കളിച്ചുകൊണ്ടിരുന്നപ്പോഴാണ് നായ ആക്രമിച്ചത്.കുട്ടിയുടെ കവിളും കൈയും നായ കടിച്ചു മുറിച്ചു.
നിലവിളി കേട്ട് ഓടിയെത്തിയ അയല്‍ക്കാരാണ് കുട്ടിയെ രക്ഷിച്ചത്.ഉടന്‍തന്നെ ദേശമംഗലം ഗവ ആശുപത്രിയില്‍ എത്തിച്ച് കുട്ടിക്ക് പ്രാഥമിക ചികിത്സ നല്‍കിയ ശേഷം വിദഗ്ധ ചികിത്സക്കായി തൃശൂര്‍ മെഡിക്കല്‍ കോളേജ് ആശുപത്രിയിലേക്ക് മാറ്റി.
കണ്ണൂര്‍ വിളക്കോട്ടൂരിലെ തെരുവ് നായ ആക്രമണത്തില്‍ മൂന്ന് കുട്ടികള്‍ക്ക് കടിയേറ്റു. വിദ്യാര്‍ത്ഥികളായ ദേവാത്മിക, ധനശ്യാം, മുഹമ്മദ് റബി എന്നിവരെയാണ് നായ കടിച്ചത്. കുട്ടികള്‍ തലശേരി ജനറല്‍ ആശുപത്രിയില്‍ ചികിത്സ തേടി.
