ന്യൂദല്ഹി: സ്വേച്ഛാധിപതിയും സുഖലോലുപനുമായ ഒരു ജനകീയ നേതാവിന്റെ അധപതനത്തിനാണ് കഴിഞ്ഞ ദിവസം ദല്ഹി സാക്ഷ്യം വഹിച്ചത്. മുഖ്യമന്ത്രിയായിരുന്നപ്പോള് താമസത്തിനായി കോടികള് ചെലവഴിച്ച് കെട്ടിപ്പൊക്കിയ ശീഷ് മഹല് എന്ന കൊട്ടാരത്തില് നിന്നും തെരഞ്ഞെടുപ്പില് പരാജയപ്പെട്ടതോടെ പടിയിറങ്ങേണ്ടി വന്നു കെജ്രിവാളിന്.
പിന്നീട് താമസം അശോക് മിത്തല് എന്ന ശിഷ്യന്റെ വീട്ടില്. പക്ഷെ കഴിഞ്ഞ ദിവസം രാഘവ് ഛദ്ദയോടൊപ്പം ആം ആദ്മി വിട്ട് ബിജെപിയില് എത്തിയവരില് കെജ്രിവാളിന്റെ ശിഷ്യനായ അശോക് മിത്തലും ഉണ്ടായിരുന്നു. സ്വന്തം വീട്ടില് താമസിക്കുന്ന നേതാവ് പോലും അറിയാതെയായിരുന്ന അശോക് മിത്തലിന്റെ ഈ നീക്കം. ലവ് ലി പ്രൊഫഷണല് യൂണിവേഴ്സിറ്റിയുടെ സ്ഥാപകനും പ്രഥമ ചാന്സലറുമാണ് അശോക് മിത്തല്. ഇദ്ദേഹത്തെ പഞ്ചാബില് നിന്നും രാജ്യസഭയിലേക്ക് എത്തിച്ചത് കെജ്രിവാളാണ്. ആം ആദ്മി ടിക്കറ്റില് രാജ്യസഭയിലേക്ക് എതിരില്ലാതെ തെരഞ്ഞെടുക്കപ്പെടുകയായിരുന്നു അശോക് മിത്തല്.
ഇതോടെ കെജ്രിവാളിനും ഭാര്യയ്ക്കും മകള്ക്കും വീണ്ടും അശോക് മിത്തലിന്റെ വീട്ടില് നിന്നും പടിയിറങ്ങേണ്ടിവന്നു. സ്വന്തം താല്പര്യങ്ങളല്ലാതെ മറ്റൊന്നിനും പ്രാധാന്യം കല്പിക്കാത്ത അരവിന്ദ് കെജ്രിവാളിന്റെ സ്വഭാവമായിരുന്നു അയാളുടെ തകര്ച്ചയ്ക്ക് കാരണമായത്. തന്നേക്കാള് മികച്ച പ്രകടനം നടത്തുന്നവരെ കെജ്രിവാളിന് കണ്ടുകൂടാ. അതാണ് രാഘവ് ഛദ്ദയുടെ കാര്യത്തില് സംഭവിച്ചത്. ലോക് സഭയില് മികച്ച പ്രകടനം നടത്തുന്ന രാഘവ് ഛദ്ദ മാധ്യമശ്രദ്ധ പിടിച്ചുപറ്റാന് തുടങ്ങിയതോടെ ആം ആദ്മി എന്ന പാര്ട്ടിയ്ക്ക് സ്പീക്കര് അനുവദിച്ച സമയത്തില് നിന്നും രാഘവ് ഛദ്ദയ്ക്ക് പ്രസംഗിക്കാന് സമയം നല്കരുതെന്ന് കെജ്രിവാള് പറഞ്ഞതിന് കാരണം രാഘവ് ഛദ്ദ മാധ്യമശ്രദ്ധ പിടിച്ചുപറ്റാന് തുടങ്ങിയതോടെയാണ്. രാഘവ് ഛദ്ദയുടെ ഇമേജ് തന്നേക്കാള് വലുതാകുന്നുണ്ടോ എന്ന കോംപ്ലക്സാണ് അരവിന്ദ് കെജ്രിവാള് രാഘവ് ഛദ്ദയെ ഒതുക്കാന് കാരണമായത്. പണ്ട് അഴിമതിക്കെതിരെ സമരം നടത്തിയ പ്രായമേറിയ അന്ന ഹസാരെയെ ഒതുക്കി അതിന്റെ നേതൃത്വം പിടിച്ചെടുത്ത അതേ കൗശലം.
ഇന്നിപ്പോള് ദല്ഹിയില് സാധാരണ ഇടത്തേക്ക് താമസം മാറ്റേണ്ടിവന്നിരിക്കുന്നു കെജ്രിവാളിന്. ഇനി പഞ്ചാബ് കൂടി കയ്യില് നിന്നും പോകുമോ എന്ന ഭയത്തിലാണ് കെജ്ലിവാള് ഇപ്പോഴുള്ളത്.
കഴിഞ്ഞ ദിവസം മദ്യ അഴിമതിക്കേസില് അരവിന്ദ് കെജ്രിവാളിനെ വലിയൊരു ആഘാതം കിട്ടിയതിന്റെ ചൂടാറിയിട്ടില്ല. കേസില് വാദം കേള്ക്കേണ്ട സ്വര്ണ്ണ കാന്ത ശര്മ്മയോട് ഈ കേസില് നിന്നും ഒഴിയണമെന്ന് വാര്ത്താസമ്മേളനത്തില് ആവശ്യപ്പെടുകയായിരുന്നു കെജ്രിവാള്. സ്വര്ണ്ണ കാന്ത ശര്മ്മ ആര്എസ്എസുമായി ബന്ധമുള്ള ഒരു അഭിഭാഷക സംഘടനയുടെ പരിപാടിയില് പങ്കെടുത്തു എന്നതായിരുന്നു കെജ്രിവാളിന്റെ ആരോപണം. എന്നാല് സ്വര്ണ്ണ കാന്ത ശര്മ്മ കേസില് നിന്നും പിന്മാറിയില്ലെന്ന് മാത്രമല്ല, ചുട്ടമറുപടി കെജ്രിവാളിന് നല്കുകയും ചെയ്തു. ഏതെങ്കിലും സംഘടനയുമായി ബന്ധപ്പെട്ട പരിപാടിയില് പങ്കെടുത്തത് കൊണ്ട് മാത്രം ഒരു ജഡ്ജിയുടെ വിധി നിഷ്പക്ഷമാകില്ലെന്ന് എങ്ങിനെ പറയാനാകും എന്നതായിരുന്ന സ്വര്ണ്ണ കാന്ത ശര്മ്മ എന്ന മിടുക്കിയായ ജഡ്ജിയുടെ വാദം.
