കോഴിക്കോട്: ഓടുന്ന കെഎസ്ആർടിസി ബസിൽനിന്ന് തല പുറത്തേക്കിട്ട യുവാവിന് തല ഇലക്ട്രിക് പോസ്റ്റിലിടിച്ച് ദാരുണാന്ത്യം. കണ്ണൂർ സ്വദേശി സുനിലിന്റെ തലയാണ് മാങ്കാവിൽവെന്ന് പോസ്റ്റിലിടിച്ചത്.
കോട്ടയത്ത് നിന്ന് കോഴിക്കോട്ടേക്ക് പോകുകയായിരുന്ന ബസ്സിലാണ് സംഭവം. ബസ്സിൽ ഏറ്റവും പിന്നിലെ സൈഡ് സീറ്റിലിരുന്ന് ഉറങ്ങുകയായിരുന്നു യുവാവ്. രാത്രി ഒരു മണിക്കാണ് സംഭവം നടന്നത്. സുനിലിനൊപ്പം ബന്ധുക്കളും ഉണ്ടായിരുന്നു. ഒരു വലിയ ശബ്ദം കേട്ടാണ് ബസ്സിലെ യാത്രക്കാർ തിരിഞ്ഞ് നോക്കിയത്. മറ്റ് വണ്ടികൾ വന്നിടിക്കുകയായിരുന്നോ എന്ന് വ്യക്തതയില്ലെന്ന് സുനിലിന്റെ ജ്യേഷ്ഠൻ പറഞ്ഞു.
പൊലീസ് വിശദമായ അന്വേഷണം നടത്തുന്നുണ്ട്. അപകടത്തിൽ ബസ്സിന്റെ കമ്പി ഉൾപ്പെടെ വളഞ്ഞിട്ടുണ്ട്. പരിക്കേറ്റയുടൻ യുവാവിനെ കോഴിക്കോട് മിംസ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
