കണ്ണൂര്: ബിജെപിയുടെ മുതിര്ന്ന നേതാവും സംസ്ഥാന അധ്യക്ഷനുമായിരുന്ന കെ.ജി. മാരാര്ജിയുടെ 31-ാമത് അനുസ്മരണ ദിനം ഇന്ന്. രാവിലെ 9.30ന് പയ്യാമ്പലത്തെ സ്മൃതികുടീരത്തില് പുഷ്പാര്ച്ചനയും തുടര്ന്ന് അനുസ്മരണ സമ്മേളനവും നടക്കും. ബിജെപി ദേശീയ സമിതിയംഗം സി.കെ. പത്മനാഭന് അനുസ്മരണ ഭാഷണം നടത്തും.
സ്കൂള് പഠനകാലം മുതല് ആര്എസ്എസിന്റെ പ്രവര്ത്തനത്തില് സജീവമായിരുന്നു അദ്ദേഹം. അടിയന്തരാവസ്ഥക്കാലത്ത് അറസ്റ്റ് ചെയ്യപ്പെടുകയും 18 മാസം ജയില്വാസമനുഷ്ഠിക്കുകയും ചെയ്തു. ജയില് മോചിതനായശേഷം ജനതാ പാര്ട്ടിയുടെ കണ്ണൂര് ജില്ലാ പ്രസിഡന്റായി. 1980ല് ബിജെപി സംസ്ഥാന സെക്രട്ടറിയായി. 1985 മുതല് 1990 വരെയും 1994 മുതല് 1995 വരെയും സംസ്ഥാന പ്രസിഡന്റായിരുന്നു അദ്ദേഹം. 1995 ഏപ്രില് 25ന് ഇഹലോകവാസം വെടിയുന്നത് വരെ അദ്ദേഹം രാഷ്ട്രീയ പ്രവര്ത്തനത്തില് സജീവമായിരുന്നു.
