തിരുവനന്തപുരം: അന്തരീക്ഷ താപനില വര്ദ്ധിച്ച പശ്ചാത്തലത്തില് സംസ്ഥാനത്തെ അങ്കണവാടികളിലെ പ്രീ സ്കൂള് പ്രവര്ത്തനം ഒരാഴ്ചത്തേയ്ക്ക് നിര്ത്തിവയ്ക്കാന് വനിത ശിശുവികസന വകുപ്പ് തീരുമാനം.കഠിനമായ ചൂട് കാരണം ഡിസാസ്റ്റര് മാനേജ്മെന്റ് അതോറിറ്റിയുടെ മുന്നറിയിപ്പിനെ തുടര്ന്നും ആരോഗ്യ വകുപ്പിന്റെ ജാഗ്രതാ നിര്ദേശത്തെ തുടര്ന്നുമാണ് ഇത്.
അങ്കണവാടികളുടെ മറ്റ് പ്രവര്ത്തനങ്ങള് പതിവു പോലെ നടക്കും. ഈ കാലയളവില് കുട്ടികള്ക്ക് നല്കേണ്ട പോഷകാഹാരം വീടുകളില് എത്തിക്കും.
വേനല് ചൂട് കടുത്തതിനാല് കുഞ്ഞുങ്ങളെ അങ്കണവാടിയില് വരാന് നിര്ബന്ധിക്കരുതെന്ന് സംസ്ഥാന ബാലാവകാശ കമ്മീഷന് ഉത്തരവ് പുറപ്പെടുവിച്ചിരുന്നു. വരാതിരിക്കുന്ന കുട്ടികള്ക്ക് പോഷാകാഹാരമുള്പ്പടെ വീടുകളില് എത്തിച്ച് നല്കണമെന്നും നിര്ദേശിച്ചിരുന്നു.
