ഒരു ഫുട്ബോള് ആരാധകനെ സംബന്ധിച്ച് ഏറ്റവും ചെലവേറിയ ലോകകപ്പായിരിക്കും ഇത്തവണത്തേത് എന്നതില് സംശയമില്ല. അതുകൊണ്ടുതന്നെ സാമ്പത്തികമായി ഉന്നതനിലയിലുള്ളവര്ക്ക് മാത്രം സാധിക്കുന്നതാണ് ലോകകപ്പിന്റെ നേരിട്ടുള്ള കാഴ്ച. ഇന്ത്യയില്നിന്ന് ഒരാള്ക്ക് ലോകകപ്പ് കണ്ട് 10 ദിവസത്തോളം അമേരിക്കയില് തങ്ങി മടങ്ങി വരണമെങ്കില് ഏകദേശം എട്ട് ലക്ഷത്തോളം രൂപയാകും. അതെങ്ങനെയെന്നു നോക്കാം.
വിസ
അമേരിക്കന് ടൂറിസ്റ്റ് വിസ-15500 രൂപ
കാനഡ സന്ദര്ശക വിസ- 6200
മെക്സിക്കോ സന്ദര്ശക വിസ-4900 രൂപ
വിമാന ചാര്ജ്
കൊച്ചിയില്നിന്ന് ന്യൂയോര്ക്കിലേക്ക് (റിട്ടേണ് അടക്കം) 80000 മുതല് 180000 വരെ
കൊച്ചിയില്നിന്ന് കാനഡയിലേക്ക്- 1 ലക്ഷം വരെ
കൊച്ചിയില്നിന്ന് മെക്സിക്കോ വരെ 180000 വരെ
മാച്ച് ടിക്കറ്റ്
ഫിഫ നിലവില് 70 ലക്ഷം ടിക്കറ്റുകളാണ് ഓള് ലൈന് വില്പ്പനയ്ക്കു വച്ചിട്ടുള്ളത്. 51 ലക്ഷത്തോളം അപേക്ഷകര് ഇപ്പോള് തന്നെയുണ്ട്. അതുകൊണ്ട് തന്നെ ടിക്കറ്റ് വിലയില് വര്ധനയുണ്ടാകാം. വിവിധ ടിക്കറ്റുകള്ക്ക് ഇന്ത്യന് റുപ്പിയില് വരുന്ന തുക ഇങ്ങനെ
കുറഞ്ഞ ടിക്കറ്റ് നിരക്ക് 5000 രൂപ
അടുത്തെ ലെവല് ടിക്കറ്റുകള്ക്ക്-16500ലധികം
അടുത്ത ലെവല് 1.65 ലക്ഷം
പ്രീമിയം സീറ്റ് 7.2 ലക്ഷം രൂപ
ടിക്കറ്റ് നിരക്ക് വലിയ രീതിയില് വര്ധിക്കുന്നുണ്ട്. 1.18 കോടി വരെ ഒരു ടിക്കറ്റിന് വില വര്ധിച്ചേക്കാം. ഉദ്ഘാടന മത്സരത്തിനു പോലും അഞ്ചു ലക്ഷം രൂപ വരെ ടിക്കറ്റ് നിരക്ക് ഉയരാം.
താമസം
ഹോട്ടലുകളിലെ താമസത്തിന് വലിയ തുക തന്നെ വേണ്ടിവരും. ഒരു ദിവസത്തേക്ക് 12000 രൂപ മുതല് 40000 രൂപ വരെ ചെലവ്, മറ്റ് പ്രതിദിന ചെലവ് ഏഴായിരം രൂപ വരെയാകും. 10 ദിവസം നിങ്ങള്ക്ക് അമേരിക്കയില് താമസിക്കണമെങ്കില് 2 ലക്ഷത്തിലേറെ രൂപയാകും.
മറ്റ് ചെലവുകള്
കളി കാണാന് നിങ്ങള് ഒരു വാഹനവുമായി സ്റ്റേഡിയത്തിലെത്തിയാല് പാര്ക്കിങ്ങിന് അറ്റ്ലാന്റയില് 8300 രൂപയാണെങ്കില് ന്യൂയോര്ക്കില് അത് 18700 രൂപയാകും. ഇനി പബ്ലിക് ട്രാന്സ് പോര്ട്ട് സംവിധാനം ഉപയോഗിച്ചാല് ന്യൂയോര്ക്കിലെ പ്രത്യേക ട്രെയിനുകളില് റൗണ്ട് ട്രിപ്പിന് 12500 രൂപയാണ്. ബോസ്റ്റണ് ഷട്ടിലിന് 9000 രൂപ വരെയാണ്. എല്ലാ രാജ്യങ്ങളിലും പോയി കളി കാണണമെങ്കില് കൈവിട്ട കളി കളിക്കേണ്ടിവരും.
ഏകദേശം ചെലവുകളുടെ സംക്ഷിപ്തം
വിസ- 25000
വിമാനക്കൂലി-180000
ടിക്കറ്റുകള്ക്ക് 2 ലക്ഷം വരെ
താമസവും ഭക്ഷണവും 2 ലക്ഷം
പ്രാദേശിക യാത്ര 20000
ആകെ ചെലവ്- 6.25 ലക്ഷം മുതല് എട്ട് ലക്ഷം രൂപ വരെ.
ഇപ്പോള് നിങ്ങള് ആലോചിക്കുന്നുണ്ടാകും. ഇതൊന്നുമാകാതെ വീട്ടിലിരുന്ന നല്ല 4കെ ടെലിവിഷനില് കളി കാണുന്നതിന് കേബിളിന്റെയോ മറ്റ് കണക്ഷന്റെയോ ചെലവല്ലാതെ നയാ പൈസയുടെ ചെലവില്ലല്ലോ..ഇവിടെ ഇരുന്ന് കളി ആസ്വദിച്ചുകൊള്ളാം..യാതൊരു തെരക്കുമില്ലാതെ…
