കോഴിക്കോട്:ആലപ്പുഴ- കണ്ണൂര് എക്സിക്യൂട്ടീവ് എക്സ്പ്രസിന് നേരെ കല്ലേറിഞ്ഞതിനെ തുടര്ന്ന് വിദ്യാര്ഥിനിക്ക് പരിക്കേറ്റ സംഭവത്തില് ഒരാളെ റെയില്വേ പൊലീസ് പിടികൂടി.കടലുണ്ടി വടക്കുമ്പാട് സ്വദേശി കൃഷ്ണകുമാര് (30) ആണ് അറസ്റ്റിലായത്.
എരഞ്ഞോളി താഴേക്കുനിയില് ഐശ്വര്യയ്ക്ക്(22) ആണ് കല്ലേറില് ഗുരുതര പരിക്കേറ്റത്. മാര്ച്ച് 30ന് ആയിരുന്നു സംഭവം. പ്രതി ലഹരി ഉപയോഗിച്ച ശേഷം ട്രെയിനിന് നേരെ കല്ലെറിയുകയായിരുന്നുവെന്നാണ് പൊലീസ് പറഞ്ഞത്.
ആലുവ യുസി കോളേജിലെ ബയോ ഇന്ഫര്മാറ്റിക് പിജി വിദ്യാര്ഥിനിയായ ഐശ്വര്യ ഹോസ്റ്റലില് നിന്നും ട്രെയിനില് കോഴിക്കോട് പുറമേരിയിലെ വീട്ടിലേക്ക് യാത്ര ചെയ്യുകയായിരുന്നു.ഫറോക്കിനും കടലുണ്ടിക്കും ഇടയില് വച്ചാണ് കല്ലേറ് കൊണ്ട് താടിയെല്ലിന് ഗുരുതരമായി പരിക്കേറ്റത്. ഇടതുവശത്തെ രണ്ടു പല്ലുകള് നഷ്ടമായി.ചുണ്ടിനു മുറിവേല്ക്കുകയും ചെയ്തു.
